ന്യൂഡൽഹി: മലബാർ എക്സ്പ്രസ്, മാവേലി എക്സ്പ്രസ് എന്നിവയുൾപ്പെടെ 13 ട്രെയിനുകളുടെ പ്രവർത്തനം പുനരാരംഭിക്കാൻ റെയിൽവേ അനുമതി നൽകി. ഇതോടെ വെള്ളിയാഴ്ച മുതൽ മംഗളൂരു-തിരുവനന്തപുരം മലബാർ എക്സ്പ്രസ് സർവീസ് ആരംഭിക്കുകയും ഡിസംബർ 10 ന് മംഗളൂരു-തിരുവനന്തപുരം മാവേലി എക്സ്പ്രസ് സർവീസ് പുനരാരംഭിക്കുകയും ചെയ്യും.
മലബാര് എക്സപ്രസ് വെള്ളിയാഴ്ച്ച മുതല് ഓടിത്തുടങ്ങും. മംഗളൂരു-തിരുവനന്തപുരം മലബാര് സ്പെഷ്യല് ട്രെയിനുകള് വെള്ളിയാഴ്ച്ച മുതല് സര്വീസ് നടത്തും. മംഗളൂരുവില് നിന്നും വൈകീട്ട് 6.15 ട്രെയിന് പുറപ്പെടും. തിരുവനന്തപുരത്ത് നിന്നും വൈകീട്ട് 6.40 നായിരിക്കും പുറപ്പെടുക.
ചെന്നൈ-തിരുവനന്തപുരം, ചെന്നൈ-മംഗളൂരു, ചെന്നൈ-പാലക്കാട്, ചെന്നൈ-ഗുരുവായൂർ (തിരുവനന്തപുരം വഴി) റൂട്ടുകളിൽ ഡിസംബർ 8 ന് സർവീസ് ആരംഭിക്കും. മധുര-പുനലൂർ എക്സ്പ്രസ് വെള്ളിയാഴ്ച സർവീസ് പുനരാരംഭിക്കും.
ഈ ട്രെയിനുകളെല്ലാം ദൈനംദിന സർവീസുകളാണ്. ഈ ട്രെയിനുകൾ COVID പ്രത്യേക ട്രെയിനുകളായി പ്രവർത്തിപ്പിക്കുന്നതിനാൽ, ജനറൽ കമ്പാർട്ടുമെന്റും ഉണ്ടാകില്ല. ഈ ട്രെയിനുകളിൽ റിസർവേഷൻ കോച്ചുകൾ മാത്രമേ ലഭ്യമാകൂ.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
