ദുബായ് : അബുദാബിയില്‍ വന്‍ തീപിടിത്തം. മുഅസാസ് മേഖലയിലെ വില്ലയിലുണ്ടായ തീപിടിത്തത്തില്‍ 6 പേര്‍ മരിക്കുകയും 7 പേര്‍ക്ക് പരിക്കേൽക്കുകയും ചെയ്തതായി യുണൈറ്റഡ് അറബ് എമിറേറ്റ്സിലെ സിവിൽ ഡിഫൻസ് അതോറിറ്റി അറിയിച്ചു. പരുക്കേറ്റവരില്‍ 2 പേരുടെ നില ഗുരുതരമാണ്. മരിച്ചവരെ തിരിച്ചറിഞ്ഞിട്ടില്ല.
തീപിടിത്തത്തിന്റെ കാരണം കണ്ടെത്താൻ അന്വേഷണം നടക്കുകയാണ്. സംഭവത്തെ കുറിച്ച് വിശദമായി അറിയാന്‍ ഔദ്യോഗിക വിവരങ്ങളെ മാത്രം ആശ്രയിക്കണമെന്നും വ്യാജ വാര്‍ത്തകള്‍ പ്രചരിപ്പിക്കരുതെന്നും പൊതുജനങ്ങളോട് അധികൃതര്‍ അറിയിച്ചു.
കഴിഞ്ഞ മാസം, ദുബായിലെ അൽ റാസിലെ ഒരു റെസിഡൻഷ്യൽ കെട്ടിടത്തിന്റെ നാലാം നിലയിൽ വൻ തീപിടിത്തത്തിൽ 16 പേർ മരിക്കുകയും ഒമ്പത് പേർക്ക് പരുക്കേൽക്കുകയും ചെയ്തിരുന്നു .
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
