സ്റ്റാന്‍ഡില്‍ നിര്‍ത്തിയിട്ടിരുന്ന ബസിനുള്ളില്‍ പെണ്‍കുട്ടിയെ പീഡിപ്പിച്ച കേസിലെ പ്രതികള്‍ മുൻപ് കോട്ടയം മെഡിക്കല്‍ കോളേജ് ബസ്സ്റ്റാന്‍ഡിലും ബസിനുള്ളില്‍ വെച്ച്‌ പെൺകുട്ടിയെ പീഡിപ്പിച്ചിരുന്നതായി പോലീസ്.
വ്യാഴാഴ്ച പ്രതികളെ കസ്റ്റഡിയില്‍ വാങ്ങിയ ശേഷം കോട്ടയം മെഡിക്കല്‍ കോളേജ് സ്റ്റാന്‍ഡിലെത്തിച്ച്‌ തെളിവെടുത്തു. . പ്രതികളെ കോട്ടയം ഫൊറന്‍സിക് വിഭാഗത്തിലെത്തിച്ച്‌ ശാസ്ത്രീയ പരിശോധനകളും പൂര്‍ത്തിയാക്കി. പ്രതികളെ പാലായിലും കൊട്ടാരമറ്റം ബസ്സ്റ്റാന്‍ഡിലും എത്തിച്ച്‌ കൂടുതല്‍ തെളിവെടുപ്പ് നടത്തും. പാലാ-മെഡിക്കല്‍ കോളേജ് റൂട്ടില്‍ സര്‍വീസ് നടത്തുന്ന ബസിന് ഏതാനും മണിക്കൂര്‍ മെഡിക്കല്‍ കോളേജ് സ്റ്റാന്‍ഡില്‍ നിർത്തിയിടാറുണ്ട് . ഈ അവസരം മുതലെടുത്താണ് പ്രതികള്‍ പെണ്‍കുട്ടിയെ പ്രലോഭിപ്പിച്ച്‌ ഇവിടെയെത്തിച്ച്‌ പീഡിപ്പിച്ചത്.
സംക്രാന്തി തുണ്ടിപ്പറമ്ബില്‍ അഫ്‌സല്‍ (31), കൂട്ടാളിയും സഹായിയുമായ ഡ്രൈവര്‍ കട്ടപ്പന സ്വദേശി എബിന്‍ എന്നിവരെയാണ് കഴിഞ്ഞ ദിവസം പാലാ കൊട്ടാരമറ്റത്ത് പോലീസ് അറസ്റ്റ് ചെയ്തിരുന്നത്. വിവാഹിതനായ അഫ്‌സല്‍ വിവാഹ വാഗ്ദാനം നല്‍കിയാണ് പല തവണ പീഡനത്തിനിരയാക്കിയത്. ബസിലെ സ്ഥിരം യാത്രക്കാരിയായിരുന്ന വിദ്യാര്‍ഥിനിയെ അഫ്‌സല്‍ പ്രണയം നടിച്ച്‌ വശത്താക്കുകയായിരുന്നു. തുടര്‍ന്ന് സംഭവ ദിവസം ഉച്ചയ്ക്ക് പെണ്‍കുട്ടി കൊട്ടാരമറ്റം ബസ്സ്റ്റാന്‍ഡിലെത്തിയിരുന്നു.
ഉച്ചയ്ക്ക് ഒന്നരയ്ക്കുള്ള ബസിന്റെ ട്രിപ്പ് ആളില്ലെന്ന കാരണത്താല്‍ മുടക്കിയ ശേഷം ഡ്രൈവറുടെയും കണ്ടക്ടറുടെയും സമ്മതത്തോടെ ബസിനുള്ളില്‍ പീഡിപ്പിക്കാന്‍ ശ്രമിക്കുകയായിരുന്നു. ഇതിനിടെ പെണ്‍കുട്ടി ബസിനുള്ളിലേക്ക് കയറുന്നത് ശ്രദ്ധയില്‍പ്പെട്ട ഒരാള്‍ അറിയിച്ചതിനെ തുടര്‍ന്ന് പാലാ സി.ഐ. കെ.പി.തോംസണിന്റെ നേതൃത്വത്തില്‍ പോലീസെത്തി അഫ്‌സലിനെയും സഹായി എബിനെയും കസ്റ്റഡിയിലെടുത്തു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
