ന്യൂഡല്ഹി: ഉത്തര്പ്രദേശില് ആദ്യ ഘട്ട വോട്ടെടുപ്പ് നടക്കുന്ന ദിനത്തില് വോട്ടര്മാര്ക്ക് മുന്നറിയിപ്പുമായി മുഖ്യമന്ത്രി യോഗി ആദിത്യനാഥ്. ഒരു അബദ്ധം പറ്റിയാല് ഉത്തര്പ്രദേശ് കശ്മീരോ കേരളമോ പശ്ചിമ ബംഗാളോ ആയി മാറുമെന്നാണ് യോഗി അഭിപ്രായപ്പെട്ടത്. നിങ്ങളുടെ വോട്ട് അഞ്ചു വര്ഷത്തെ എന്റെ പ്രയത്നത്തിനുള്ള അനുഗ്രഹമാണ് ബിജെപിക്ക് വോട്ട് ചെയ്യുന്നത് ഭയരഹിതമായ ജീവിതം ഉറപ്പ് നല്കുന്നുവെന്നും അദ്ദേഹം വ്യക്തമാക്കുകയുണ്ടായി.
എന്റെ മനസ്സില് ഉള്ള ഒരു കാര്യം എനിക്ക് നിങ്ങളോട് പറയാനുണ്ട്, ഈ അഞ്ച് വര്ഷത്തിനുള്ളില് ഒരുപാട് അത്ഭുതകരമായ കാര്യങ്ങള് സംഭവിച്ചു, സൂക്ഷിക്കുക, നിങ്ങള്ക്ക് തെറ്റിയാല്, ഈ അഞ്ച് വര്ഷത്തെ അധ്വാനം നശിച്ചുപോകും. ഉത്തര് പ്രദേശ് കശ്മീരും ബംഗാളും കേരളവും ആകാന് അധിക സമയം എടുക്കില്ല’ യോഗി വോട്ടര്മാരോടായി പറഞ്ഞു
ഒരു വലിയ തീരുമാനത്തിനുള്ള സമയമായി. കഴിഞ്ഞ അഞ്ച് വര്ഷത്തിനിടയില്, ബിജെപിയുടെ ഇരട്ട എഞ്ചിന് സര്ക്കാര് അര്പ്പണബോധത്തോടെയും പ്രതിബദ്ധതയോടെയും എല്ലാം ചെയ്തു. നിങ്ങള് എല്ലാം കാണുകയും എല്ലാം വിശദമായി കേള്ക്കുകയും ചെയ്തിട്ടുണ്ട്. ആറ് മിനിറ്റ് ദൈര്ഘ്യമുള്ള വീഡിയോയില് യോഗി പറഞ്ഞു. പതിനൊന്ന് ജില്ലകളിലെ 58 മണ്ഡലങ്ങളിലായി 623 സ്ഥാനാര്ഥികളാണ് ജനവിധി തേടുന്നത്. രാവിലെ ഏഴ് മണിക്കാണ് പോളിങ് ആരംഭിച്ചത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
