വ്ളോഗര് റിഫ മെഹ്നുവിന്റെ മൃതദേഹം പോസ്റ്റ്മോര്ട്ടം നടപടികള്ക്കായി പുറത്തെടുത്തു. ഫോറന്സിക് സംഘം, തഹസില്ദാര് എന്നിവരടങ്ങുന്ന സംഘം പാവണ്ടൂര് ജൂമാ മസ്ജിദ് ഖബറിടത്തില് എത്തി ഇന്ക്വസ്റ്റ് നടപടികള് പൂര്ത്തിയാക്കി. മൃതദേഹം കോഴിക്കോട് മെഡിക്കല് കോളേജ് ആശുപതിയിലേക്ക് മാറ്റും. ആന്തരികാവയവങ്ങള് രാസപരിശോധനക്ക് വിധേയമാക്കാനാണ് തീരുമാനം. തുടരന്വേഷണത്തില് നിര്ണയകമാണ് പോസ്റ്റ്മോര്ട്ടം റിപ്പോര്ട്ട്. റിഫയുടെ മരണത്തില് ഭര്ത്താവിനും സുഹൃത്തിനും പങ്കുണ്ടെന്ന നിലപാടിലാണ് കുടുംബാംഗങ്ങള്. ഇതോടെ മരണത്തിലെ ദൂരൂഹത മാറണമെന്നും റിഫക്ക് നീതി കിട്ടണമെന്നും റിഫയുടെ ഉമ്മ പറഞ്ഞു.
മാര്ച്ച് ഒന്നിന് ദുബായ് ജലാലിയയിലെ ഫ്ലാറ്റിലാണ് റിഫയെ മരിച്ച നിലയില് കണ്ടെത്തിയത്. ആത്മഹത്യയാണെന്നും മരണത്തില് അസ്വാഭാവികതയില്ലെന്നുമുള്ള ദുബായ് പൊലീസിന്റെ നിഗമനത്തിന്റെ അടിസ്ഥാനത്തില് പോസ്റ്റ്മോര്ട്ടം നടത്താതെയാണ് മൃതദേഹം നാട്ടിലേക്ക് വിട്ട് നല്കിയത്
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
