സ്ത്രീകളുടെ ആരോഗ്യത്തെക്കുറിച്ച് സമൂഹത്തിൽ ഇപ്പോഴും പല തെറ്റിദ്ധാരണകളും നിലനിൽക്കുന്നുണ്ട്. നമ്മൾ കേട്ടതും അറിഞ്ഞതുമായ ചില കാര്യങ്ങളും അവയുടെ സത്യവും എന്തൊക്കെയാണെന്ന് നോക്കാം.
അമ്മയായതിന് ശേഷം ശരീരത്തിലുണ്ടാകുന്ന മാറ്റങ്ങളെക്കുറിച്ച് ചില സ്ത്രീകൾക്ക് പല സംശയങ്ങളും ഉണ്ടാകാറുണ്ട്. അതിലൊന്നാണ് മുലയൂട്ടൽ സ്തനങ്ങൾ തൂങ്ങാൻ കാരണമാകുന്നു എന്നത്. അതിൽ എന്തെങ്കിലും സത്യമുണ്ടോ? മുലയൂട്ടൽ അമ്മയും കുഞ്ഞും തമ്മിലുള്ള ബന്ധം ശക്തിപ്പെടുത്തുന്നത് മാത്രമല്ല, കുഞ്ഞിന്റെ ആരോഗ്യത്തിനും വളരെയധികം ഗുണം ചെയ്യും. കുഞ്ഞുങ്ങളിലെ ആസ്ത്മ, ക്യാൻസർ എന്നിവ തടയാൻ മുലപ്പാൽ സഹായിക്കും. എന്നാല്‍ സാധാരണയായി നമ്മള്‍ കേള്‍ക്കുന്നതാണ് കുഞ്ഞുങ്ങള്‍ക്ക് മുലയൂട്ടുന്നത് മുലകള്‍ തൂങ്ങാന്‍ കാരണമാകുന്നു, മുലകളുടെ ബലം കുറയ്ക്കും എന്നൊക്കെ. ഇതൊരു തെറ്റായ ധാരണ മാത്രമാണ്.
ഗർഭിണികൾക്ക് അമിതഭാരം ആവശ്യമാണോ? ശരീരഭാരവും ഗർഭധാരണവും തമ്മിൽ യാതൊരു ബന്ധവുമില്ല. ഗർഭാവസ്ഥയിൽ നിങ്ങൾക്ക് എന്തെങ്കിലും വിഴുങ്ങാമെന്ന് കരുതരുത്. ശരീരത്തിന് ആവശ്യമുള്ളത് മാത്രം കഴിക്കുക. വെറുതെ ശരീരഭാരം കൂടുന്നത് കൊണ്ട് കാര്യമൊന്നുമല്ല. ആരോഗ്യമുള്ള ശരീരമാണ് ആവശ്യമെന്ന കാര്യം മറക്കരുത്.
ആർത്തവസമയത്ത് ഗർഭിണിയാകില്ലെന്ന് പറയുന്നത് ശരിയല്ല. ഏതെങ്കിലും സുരക്ഷിതമല്ലാത്ത ലൈംഗിക ബന്ധത്തിൽ ഗർഭിണിയാകാൻ സാധ്യതയുണ്ട്. ആർത്തവസമയത്താണെങ്കിൽ പോലും, സാധ്യത തള്ളിക്കളയാനാവില്ല.
ആർത്തവസമയത്ത് വ്യായാമം ഒഴിവാക്കണമെന്ന് പറയാറുണ്ട്. ആർത്തവ സമയത്ത് വ്യായാമം ചെയ്യുന്നതിൽ തെറ്റില്ല. ഒരു വിദഗ്‌ദ്ധരും ഇത്തരം പ്രശ്നങ്ങൾ പരാമർശിച്ചിട്ടില്ല. എന്നാൽ ഡോക്ടറുടെ നിർദേശപ്രകാരം മാത്രം വ്യായാമം ചെയ്യുക.
ഡിയോഡറന്റിന്റെ ഉപയോഗം മൂലമാണ് സ്തനാർബുദം ഉണ്ടാകുന്നത് എന്ന് പറയപ്പെടുന്നു. എന്നാൽ ഇതുവരെ ശാസ്ത്രീയ തെളിവുകളൊന്നും കണ്ടെത്തിയിട്ടില്ല.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
