കോഴിക്കോട് മോഡൽ ഷഹാന ആത്മഹത്യ ചെയ്തതാണെന്ന് അന്വേഷണ സംഘത്തിന്റെ നിഗമനം. ശാസ്ത്രീയ പരിശോധനയിലും തൂങ്ങിമരിക്കാനുള്ള സാധ്യത തെളിഞ്ഞിട്ടുണ്ടെന്നും അതേ സമയം സ്ഥിരീകരണത്തിന് ആന്തരികാവയവങ്ങളുടെ രാസപരിശോധനാ ഫലം വേണമെന്നും പൊലീസ് പറഞ്ഞു. ഷഹാനയുടെ ഭർത്താവ് സജാദിനെതിരെ ആരോപണവുമായി ഷഹാനയുടെ കുടുംബാംഗങ്ങൾ രംഗത്തെത്തി. ഫോറൻസിക് വിദഗ്ധർ ഇന്ന് കോഴിക്കോട് പറമ്പിൽ ബസാറിലെ വീട്ടിലെത്തി തെളിവെടുപ്പും പരിശോധനയും നടത്തി. കയർ ഉപയോഗിച്ചാണ് തൂങ്ങിമരിച്ചതെന്നാണ് ഫോറൻസിക് സംഘത്തിന്റെ നിഗമനം.
സജാദിനെ അന്വേഷണ സംഘം വാടകവീട്ടിലെത്തിച്ച് തെളിവെടുപ്പ് നടത്തിയിരുന്നു. വിശദമായ ചോദ്യംചെയ്യലിനായി സജാദിനെ ഇന്ന് കസ്റ്റഡിയിൽ വാങ്ങും. സജാദ് ഓൺലൈൻ ഭക്ഷണവിതരണത്തിനിടെയാണ് ലഹരി വിൽപന നടത്തിയിരുന്നതെന്ന് അന്വേഷണ സംഘം കണ്ടെത്തിയിട്ടുണ്ട്. നിലവിൽ ആത്മഹത്യാപ്രേരണ, സ്ത്രീപീഡനം തുടങ്ങിയ വകുപ്പുകൾ ചേർത്താണ് സജാദിനെ പൊലീസ് അറസ്റ്റ് ചെയ്തിരിക്കുന്നത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
