ഇന്ത്യന് വനിതാ ക്രിക്കറ്റ് കണ്ട ഏറ്റവും മികച്ച താരമായ മിതാലി രാജ് അല്പം മുമ്പാണ് സാമൂഹ്യമാധ്യമങ്ങളിലൂടെ തന്റെ വിരമിക്കല് അറിയിച്ചത്. ഇന്ത്യന് വനിതകളുടെ ടെസ്റ്റ്- ഏകദിന ടീമുകളുടെ ക്യാപ്റ്റനായിരുന്നു. രാജ്യം കണ്ട എക്കാലത്തെയും മികച്ച വനിതാ ബാറ്ററായ മിതാലി രാജ് ഏകദിന ചരിത്രത്തിലെ എക്കാലത്തെയും വലിയ റണ്വേട്ടക്കാരി കൂടിയാണ്. ഖേല്രത്ന നേടിയ ഏക വനിതാ ക്രിക്കറ്റ് താരമാണ്. മിതാലിയുടെ ക്യാപ്റ്റന്സിയില് ഇന്ത്യ 2017 ലോകകപ്പില് ഫൈനലിലെത്തി.
1999ല് തന്റെ 16-ാം വയസില് ഏകദിന അരങ്ങേറ്റത്തില് പുറത്താകാതെ 114* റണ്സ് നേടിയാണ് മിതാലി രാജ്യാന്തര ക്രിക്കറ്റിലേക്ക് വരവറിയിച്ചത്. വനിതാ ടെസ്റ്റില് 12 മത്സരങ്ങളില് ഒരു സെഞ്ചുറിയും നാല് അര്ധ സെഞ്ചുറികളുമായി 699 റണ്സാണ് മിതാലിയുടെ നേട്ടം. അതേസമയം ഏകദിനത്തില് 232 മത്സരങ്ങളില് ഏഴ് സെഞ്ചുറികളും 64 ഫിഫ്റ്റികളുമായി 7805 റണ്സ് സ്വന്തമാക്കി. വനിതകളുടെ ഏകദിന ചരിത്രത്തിലെ ഉയര്ന്ന റണ്വേട്ടക്കാരി മിതാലി തന്നെ. വനിതാ ടി20യില് 89 മത്സരങ്ങളില് 17 അര്ധശതകങ്ങളോടെ 2364 റണ്സും പേരിലാക്കി.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
