ഗവര്ണറുടെ നടപടി സ്വാഗതാര്ഹമെന്ന് പ്രതിപക്ഷനേതാവ് വി.ഡി.സതീശന്. ആറുവര്ഷത്തിനിടെ ഗവര്ണര് ഇപ്പോഴാണ് ശരിചെയ്തത്. മാത്രവുമല്ല ആറുവര്ഷത്തെ സര്വകലാശാലാ നിയമനങ്ങള് പരിശോധിക്കണം. ഇഷ്ടക്കാരെ വൈസ് ചാന്സലര്മാരായി നിയമിച്ച് ബന്ധുനിയമനം നടത്താനാണ് സര്വകലാശാല ഭേദഗതി ബില് കൊണ്ടുവരുന്നതെന്നും സതീശന് പറഞ്ഞു.ഗവർണറുടെ നടപടിക്കെതിരെ കോടതിയെ സമീപിക്കുമെന്ന് വിസി; സർക്കാരിനു പങ്കില്ലെന്ന് മന്ത്രി . പരസ്യമായാണ് അര്ഹതയുള്ളവരുടെ നീതി നിഷേധിച്ചത്. കഴിഞ്ഞ ആറ് വര്ഷവും ഇത് തന്നെയാണ് നടന്നത്. ഇത്തരത്തിലുള്ള മുഴുവന് ബന്ധു നിയമനങ്ങളെ കുറിച്ചും അന്വേഷിച്ച് റദ്ദാക്കാന് ഗവര്ണര് നടപടി എടുക്കണം. സര്വകലാശാലകളിലെ അധ്യാപക ജോലി സിപിഎം നേതാക്കളുടെ ബന്ധുക്കള്ക്കായി റിസര്വ് ചെയ്തിരിക്കുകയാണ്. 25 വര്ഷത്തെ അധ്യാപന പരിചയവും നൂറിലധികം ഗവേഷണ പ്രബന്ധങ്ങള് പ്രസിദ്ധീകരിക്കുകയും ചെയ്ത അധ്യാപകന് ലഭിച്ച സ്കോര് 651 ആയിരുന്നു. എന്നാല് നിയമനം നല്കാന് തീരുമാനിച്ചയാളുടെ സ്കോര് 156 ആണ്. ഇന്റർവ്യൂവില് 156 സ്കോറുള്ള ആള്ക്ക് 32 മാര്ക്കും 651 സ്കോറുള്ളയാള്ക്ക് 30 മാര്ക്കും നല്കിയാണ് നിയമനം അട്ടിമറിച്ചത്. ഡോക്ടറേറ്റും അധ്യാപന പരിചയവുമുള്ളവര്ക്ക് അവസരം നല്കാതെ അര്ഹതയില്ലാത്തവരെയാണ് സര്ക്കാര് നിയമിക്കുന്നതെന്ന് വി.ഡി.സതീശൻ ആരോപിച്ചു.സര്വകലാശാല ഭേദഗതി ബില് നിയമസഭയില് കൊണ്ടുവരാന് ശ്രമിക്കുന്നതും അധ്യാപക നിയമനത്തിന് വേണ്ടിയാണ്. ഇഷ്ടക്കാരായ ആളുകളെ വൈസ് ചാന്സലര്മാരാക്കി അധ്യാപക നിയമനത്തില് ക്രമക്കേട് നടത്തുകയെന്നതാണ് സര്ക്കാരിന്റെ ലക്ഷ്യം.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
