കൊല്ലത്ത് തെരുവ് നായയെ കത്തി കരിഞ്ഞ നിലയിൽ കണ്ടെത്തി. തെരുവ് നായയെ ചുട്ടുകൊന്നതാവാം എന്നാണ് സംശയം. സംഭവത്തില് പൊലീസ് അന്വേഷണം ആരംഭിച്ചു.തെരുവുനായ ആക്രമണം കൂടിവരുന്ന സാഹചര്യത്തിൽ തെരുവുനായക്കളെ കൂട്ടത്തോടെ കൊന്നൊടുക്കുകയും ചെയ്യുന്ന സംഭവങ്ങൾ ശ്രദ്ധയിൽ പെട്ടതോടെ ഹൈക്കോടതി ഇന്നലെ വിഷയത്തില് ഇടപെട്ടിരുന്നു. പൊതുജനങ്ങൾക്കിടയിൽ ബോധവത്കരണത്തിന് പൊലീസ് സംവിധാനങ്ങൾ വഴി സര്ക്കാര് നടപടി എടുക്കണമെന്ന നിര്ദ്ദേശത്തെ തുടര്ന്നാണ് ഡിജിപി സര്ക്കുലര് ഇറക്കുകയും ചെയ്തിരുന്നു. തെരുവുനായക്കളെ കൂട്ടത്തോടെ കൊന്നൊടുക്കുന്ന തരത്തിൽ പൊതുജനങ്ങൾ നിയമം കയ്യിലെടുക്കരുതെന്നായിരുന്നു സര്ക്കുലറിലെ നിര്ദ്ദേശം. നായകളെ കൊല്ലുന്നതിനും വളര്ത്തുനായക്കളെ വഴിയിൽ ഉപേക്ഷിക്കുന്നതിനും എതിരെ വിപുലമായ ബോധവത്കരണം നല്കണണെന്നും ഡിജിപി നിര്ദ്ദേശിച്ചിരുന്നു. അതെ സമയം നായകളെ കൊല്ലുന്നതും മാരകമായി പരിക്കേൽപ്പിക്കുന്നതും തടവ് ശിക്ഷ കിട്ടാവുന്ന കുറ്റമാണ്. വളര്ത്ത് നായക്കളെ വഴിയിലുപേക്ഷിക്കുന്നവര്ക്കെതിരെയും കേസെടുക്കും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
