പുന്നപ്ര: കോവിഡ് പോസിറ്റീവായ കുടുംബം താമസിക്കുന്ന വീട്ടിലെ തകരാറിലായ വൈദ്യുതി പുനഃസ്ഥാപിക്കാന്‍ മുന്നിട്ടിറങ്ങിയ പോലീസിന് ബിഗ് സല്യൂട്ട്. പുന്നപ്ര പോലീസാണ് മാതൃകാപരമായ ഈ പ്രവര്‍ത്തനം ഏറ്റെടുത്തത്. കഴിഞ്ഞ ദിവസം വൈകുന്നേരം ഏഴോടെയാണ് സ്റ്റേഷനില്‍ ഒരു ഫോണ്‍കോള്‍ വന്നത്. അവസാന പ്രതീക്ഷയിൽ നിങ്ങളെ വിളിക്കുന്നു. ഇതായിരുന്നു ഫോണിലൂടെ വന്ന സന്ദേശം.
ഫോൺ എടുത്ത സി.പി.ഒ അനീഷ് ബാബു സംഭവത്തെക്കുറിച്ച് എസ്‌ഐ അജിത് കുമാറിനെ അറിയിച്ചു. നടപടിയെടുക്കാൻ ജനമൈത്രി ടീമിനോട് എസ്‌ഐ നിര്‍ദേശിച്ചു. ബിജോയ് ഇലക്ട്രീഷ്യൻ ഷിഹാബിനെ വിളിച്ച് കാര്യങ്ങൾ പറഞ്ഞു. കുടുംബാംഗങ്ങള്‍ക്ക് കോവിഡായതിനാല്‍ ഷിഹാബ് പിപിഇ കിറ്റ് ധരിച്ച് വൈദ്യുത പ്രശ്‌നം പരിഹരിച്ചു. വീട്ടിലുടനീളം വെളിച്ചം പരന്നപ്പോൾ എല്ലാവരുടെയും മുഖം സന്തോഷം നിറഞ്ഞു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
