കൊച്ചി: രണ്ടാം പിണറായി സര്ക്കാരിന്റെ രണ്ടാം വാര്ഷികാഘോഷ പരിപാടികളോട് പ്രതിപക്ഷം സഹകരിക്കില്ലെന്ന് പ്രതിപക്ഷ നേതാവ് വി.ഡി. സതീശന്. ജനങ്ങള്ക്കുമേല് നികുതിഭാരം അടിച്ചേല്പ്പിച്ചെന്ന് ആരോപിച്ചാണ് പരിപാടികളോട് സഹകരിക്കില്ല എന്ന തീരുമാനം. ജനജീവിതം കൂടുതല് ദുസഹമാകുന്ന അതേദിവസം തന്നെ സംസ്ഥാന സര്ക്കാരിന്റെ വാര്ഷികാഘോഷ പരിപാടികള് തുടങ്ങുന്നുവെന്നത് ഏറ്റവും വലിയ വിരോധാഭാസമാണെന്നും പ്രതിപക്ഷ നേതാവ് പറഞ്ഞു.
സംസ്ഥാന സര്ക്കാരിന്റെ കെടുകാര്യസ്ഥതയും അനാസ്ഥയും കൊണ്ടാണ് ചരിത്രത്തില് ഇല്ലാത്ത അധിക നികുതിഭാരം ജനങ്ങളുടെമേല് വരുന്നത്. നികുതി പിരിക്കുന്നതില് സര്ക്കാര് പൂര്ണ പരാജയമായി. സര്ക്കാരിന്റെ പരാജയം സാധാരണക്കാരനുമേല് കെട്ടിവയ്ക്കുന്ന അവസ്ഥയാണ് ഇപ്പോള് ഉള്ളത്. സ്വാഭാവിക വിലക്കയറ്റത്തിനൊപ്പം കൃത്രിമ വിലക്കയറ്റം കൂടി ഇന്ന് മുതല് ഉണ്ടാകും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
