സോഷ്യല്‍ മീഡിയയിലൂടെ ഓരോ ദിവസവും രസകരവും വ്യത്യസ്തമായതുമായ പല വീഡിയോകളാണ് നാം കാണാറ്, മൃഗങ്ങളുമായോ ജിവികളുമായോ എല്ലാം ബന്ധമുള്ള വീഡിയോകളാണെങ്കില്‍ അവയ്ക്ക് പെട്ടെന്ന് തന്നെ ഏറെ കാഴ്ചക്കാരും ഉണ്ടാവാറുണ്ട്
പ്രത്യേകിച്ച് വന്യമൃഗങ്ങളുമായി ബന്ധപ്പെട്ട വീഡിയോ കാണാൻ ആളുകളുണ്ടാവും ഇപ്പോഴിതാ ഇത്തരത്തില്‍ സോഷ്യല്‍ മീഡിയയില്‍ ശ്രദ്ധിക്കപ്പെട്ടുകൊണ്ടിരിക്കുന്നൊരു വീഡിയോ ആണിനി പങ്കുവയ്ക്കുന്നത്. ഒരു മൂര്‍ഖൻ പാമ്പും ഉടുമ്പും തമ്മിലുള്ള പോരാട്ടമാണ് വീഡിയോയുടെ ഉള്ളടക്കം.
സത്യത്തില്‍ ഇത് അഞ്ച് വര്‍ഷം മുമ്പ് പുറത്തുവന്നൊരു വീഡിയോ ആണ്. ഇപ്പോള്‍ വീണ്ടും യൂട്യൂബിലും സോഷ്യല്‍ മീഡിയയിലുമെല്ലാം ശ്രദ്ധിക്കപ്പെടുകയാണ്. വനമേഖലയോട് ചേര്‍ന്നുള്ളൊരു റോഡില്‍ ആണ് സംഭവം നടക്കുന്നത്. വലിയൊരു ഉടുമ്പാണ് ഇത്. ഇതിന്‍റെ കഴുത്തില്‍ കടിച്ചുപിടിച്ചിരിക്കുകയാണ് മൂര്‍ഖൻ. എന്നാല്‍ പാമ്പിന്‍റെ ആക്രമണത്തില്‍ ഉടുമ്പ് വഴങ്ങിക്കൊടുക്കുന്നില്ല.
വായ പരമാവധി അടര്‍ത്തി ഉടുമ്പിന്‍റെ കഴുത്തില്‍ കടിച്ചുപിടിച്ചിരിക്കുന്ന പാമ്പിനെ വട്ടം ചുറ്റിക്കുകയാണ് ഉടുമ്പ്. വളരെ പതിയെ ആണ് ഇരുവരും തമ്മിലുള്ള പിടിവലി നടക്കുന്നത് എന്നതും ശ്രദ്ധേയമാണ്. ഏതാനും നിമിഷങ്ങള്‍ ഇങ്ങനെ കടന്നുപോകുന്നതിനിടെ പെട്ടെന്നൊരു സെക്കൻഡില്‍ മൂര്‍ഖന്‍റെ ശ്രദ്ധ പതറുന്ന സമയത്ത് ഉടുമ്പ് പാമ്പിന്‍റെ വായില്‍ നിന്ന് കഴുത്ത് ഊരിയെടുത്ത് മുന്നോട്ട് നീങ്ങുന്നു. പെട്ടെന്ന് മൂര്‍ഖൻ ഒന്ന് വിടാതെ അത് ഉടുമ്പിന്‍റെ പിറകെ തന്നെ വച്ചുപിടിക്കുന്നതും വീഡിയോയില്‍ കാണാം.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
