തിരുവനന്തപുരം: എറണാകുളം ജനറല് ആശുപത്രിയില് വൃക്ക മാറ്റിവെക്കല് ശസ്ത്രക്രിയ നടത്തുന്നതിന് അനുമതി നല്കിയതായി ആരോഗ്യ വകുപ്പ് മന്ത്രി വീണാ ജോര്ജ്. കേരള സ്റ്റേറ്റ് ഓര്ഗന് ആന്റ് ടിഷ്യു ട്രാന്സ്പ്ലാന്റ് ഓര്ഗനൈസേഷനാണ് രജിസ്ട്രേഷനും സര്ട്ടിഫിക്കേഷനും നല്കിയത്. രാജ്യത്ത് തന്നെ അപൂര്വമായ നേട്ടമാണിത്. സംസ്ഥാനത്ത് ആദ്യമായാണ് ഒരു ജില്ലാതല സര്ക്കാര് ആശുപത്രിയ്ക്ക് അവയവം മാറ്റിവയ്ക്കാനുള്ള അംഗീകാരം നല്കുന്നത്.
സൂപ്പര് സ്പെഷ്യാലിറ്റി ബ്ലോക്കില് അര കോടി രൂപയോളം ചെലവഴിച്ച് അത്യാധുനിക സംവിധാനങ്ങളൊരുക്കിയാണ് വൃക്കമാറ്റിവയ്ക്കല് ശസ്ത്രക്രിയയ്ക്ക് സജ്ജമാക്കിയത്. ഒക്ടോബര് മാസം ആദ്യവാരത്തില് ആദ്യ ശസ്ത്രക്രിയ യാഥാര്ത്ഥ്യമാക്കാന് കഴിയുമെന്നാണ് കരുതുന്നത്. അഞ്ച് വര്ഷത്തേക്കാണ് വൃക്ക മാറ്റിവക്കല് ശസ്ത്രക്രിയ നടത്തുവാന് നിയമപരമായ അനുവാദം നല്കിയത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.