മന്ത്രി പി എ മുഹമ്മദ് റിയാസിന്റെ പുസ്തകത്തിന് ആമുഖമെഴുതി നടൻ മോഹൻലാല്. ‘കേരള ടൂറിസം: ചരിത്രവും വര്ത്തമാനവും’ എന്ന പുസ്തകത്തിനാണ് മോഹൻലാൽ ആമുഖമെഴുതിയത്. പുസ്തകം ഷാര്ജ അന്താരാഷ്ട്ര പുസ്തകോത്സവത്തിൽ പ്രകാശനം ചെയ്തു
അനന്തമായ വിനോദസഞ്ചാര സാധ്യതകളുള്ള കേരളത്തെ എങ്ങനെ കൂടുതല് ആകര്ഷകമായ രീതിയില് വികസിപ്പിക്കാം എന്നതിനെക്കുറിച്ചുള്ള ശ്രദ്ധേയ നിരീക്ഷണങ്ങള് പുസ്തകം പങ്കുവയ്ക്കുന്നതായി മോഹന്ലാല് കുറിച്ചു. നാടിന്റെ ചരിത്രവും ഭൂമിശാസ്ത്രവും കാലാവസ്ഥയുമെല്ലാം മനസ്സിലാക്കി എങ്ങനെ വിജയകരമായ ഒരുവിനോദസഞ്ചാര പദ്ധതി ഉണ്ടാക്കാം എന്നതിനെക്കുറിച്ച് ഉത്തരവാദിത്തപ്പെട്ട സ്ഥാനത്തിരിക്കുന്ന ഗ്രന്ഥകാരന് നന്നായി അറിയാമെന്നും അത് സംസ്ഥാനത്ത് വിജയകരമായി നടപ്പാക്കിത്തുടങ്ങിയതായും മോഹന്ലാല് പറയുന്നു.168 പേജുള്ള പുസ്തകത്തില് കേരളത്തിന്റെ വിനോദസഞ്ചാര സാധ്യതകള് പരിപോഷിപ്പിക്കാന് നടപ്പാക്കിയ പ്രവര്ത്തനങ്ങളെക്കുറിച്ച് വിവരിക്കുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.