തിരുവനന്തപുരം: കെഎസ്യു-യൂത്ത് കോൺഗ്രസ് പ്രവർത്തകർക്ക് നേരെ പോലീസും സിപിഎമ്മും മുഖ്യമന്ത്രിയുടെ തോക്കുധാരികളും ചേർന്ന് നടത്തിയ ആക്രമണത്തിൽ പ്രതിഷേധിച്ച് ഡിസംബർ 20ന് കോൺഗ്രസ് സംഘടിപ്പിക്കുന്ന ബഹുജന പോലീസ് സ്റ്റേഷൻ മാർച്ച് സംഘടിപ്പിക്കുമെന്ന് കെപിസിസി പ്രസിഡന്റ് കെ.സുധാകരൻ അറിയിച്ചു. .
പറഞ്ഞു
സംസ്ഥാനത്തെ 1500 ലധികം കോണ്ഗ്രസ് മണ്ഡലം കമ്മിറ്റികളുടെ നേതൃത്വത്തില് രാവിലെ 11നാണ് സംസ്ഥാനത്തെ 564 പോലീസ് സ്റ്റേഷനുകളിലേക്ക് മാര്ച്ച് നടത്തുന്നത്. ഒരു മണ്ഡലത്തില് നിന്ന് ചുരുങ്ങിയത് 1000 പ്രവര്ത്തകര് പോലീസ് സ്റ്റേഷന് പ്രതിഷേധ മാര്ച്ചില് പങ്കെടുക്കും. രണ്ടോ അതില് കൂടുതലോ മണ്ഡലങ്ങളുടെ നേതൃത്വത്തിലായിരിക്കും ചിലയിടങ്ങളില് ഒരു പോലീസ് സ്റ്റേഷനിലേക്കുള്ള പ്രതിഷേധം. കോണ്ഗ്രസ് പ്രതിഷേധത്തിന്റെ ചൂടറിയുന്ന ശക്തമായ പ്രക്ഷോഭമായി പോലീസ് സ്റ്റേഷന് പ്രതിഷേധ മാര്ച്ച് മാറും.
ഡിസിസി അധ്യക്ഷന്മാര്, ജില്ലകളുടെ ചുമതലയുള്ള കെപിസിസി ജനറല് സെക്രട്ടറിമാര്, അതത് ജില്ലകളിലെ കെപിസിസി ഭാരവാഹികള്, ഡിസിസി ഭാരവാഹികള്, പോഷക സംഘടനകളുടേയും സെല്ലുകളുടേയും ഭാരവാഹികള് തുടങ്ങിയവര് ബഹുജന പോലീസ് സ്റ്റേഷന് മാര്ച്ച് വിജയിപ്പിക്കാനുള്ള പ്രവര്ത്തനങ്ങള്ക്ക് ജില്ലകളില് മേല്നോട്ടം നല്കും.കോണ്ഗ്രസിന്റെ പോലീസ് സ്റ്റേഷന് മാര്ച്ച് വിജയിപ്പിക്കാന് എല്ലാ മതേതര ജനാധിപത്യ വിശ്വാസികളുടെയും പിന്തുണ ഉണ്ടാകണമെന്നും കെ. സുധാകരന് ആവശ്യപ്പെട്ടു. തെരുവ് ഗുണ്ടയുടെ നിലവാരത്തില് മുഖ്യമന്ത്രിയുടെ സുരക്ഷാ ഉദ്യോഗസ്ഥര് പ്രകോപനപരമായി വെല്ലുവിളി നടത്തുമ്പോള് ഇതിനെ നിസ്സാരമായി കാണാന് കോണ്ഗ്രസിനുമാകില്ല. ഈ നില തുടര്ന്നാല് ഗുരുതരമായ പ്രത്യാഘാതം നേരിടേണ്ടിവരും. ശക്തമായി തന്നെ കോണ്ഗ്രസും തിരിച്ചടിക്കേണ്ടിവരും. അതിനുള്ള മുന്നറിയിപ്പ് കൂടിയാണ് സംസ്ഥാനത്തെ പോലീസ് സ്റ്റേഷനുകളിലേക്ക് നടക്കുന്ന പ്രതിഷേധ മാര്ച്ചെന്നും കെ.സുധാകരന് പറഞ്ഞു
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.