തിരുവനന്തപുരം: സംസ്ഥാനത്തെ ഭിന്നശേഷി വിദ്യാര്ഥികള്ക്ക് 5000 രൂപ വീതം പുതുവത്സര സമ്മാനം നല്കി സാമൂഹ്യനീതി വകുപ്പ്. 731 ഭിന്നശേഷി വിദ്യാര്ത്ഥികള്ക്ക് 36.55 ലക്ഷം രൂപയാണ് പ്രൊഫിഷ്യന്സി അവാര്ഡായി നല്കിയിരിക്കുന്നതെന്ന് മന്ത്രി ആര് ബിന്ദു .
മാര്ച്ചില് നടന്ന എസ്.എസ്.എല്.സി, പ്ലസ് ടു (സ്റ്റേറ്റ്, സി.ബി.എസ്.ഇ, ഐ.സി.എസ്.സി) പരീക്ഷകളില് ഉന്നതവിജയം കൈവരിച്ച കേരളത്തിലെ ഭിന്നശേഷിക്കാരായ വിദ്യാര്ഥികള്ക്കാണ് സംസ്ഥാന ഭിന്നശേഷി ക്ഷേമ കോര്പ്പറേഷന് മാനദണ്ഡങ്ങള് പ്രകാരം 5,000 രൂപ വീതം ക്യാഷ് അവാര്ഡ് നല്കിയിട്ടുള്ളത്. വിദ്യാര്ഥികളുടെ ബാങ്ക് അക്കൗണ്ടുകളിലേയ്ക്ക് തുക വിതരണം ചെയ്തിട്ടുണ്ടെന്ന് മന്ത്രി അറിയിച്ചു.
കൂടാതെ പ്ലസ് ടു ജനറല് വിഭാഗത്തിലെ 167 പേര്ക്കും, പ്ലസ് ടു ബൗദ്ധിക വെല്ലുവിളികള് നേരിടുന്ന വിഭാഗത്തിലെ 146 പേര്ക്കും, എസ്.എസ്.എല്.സി ജനറല് വിഭാഗത്തിലെ 176 പേര്ക്കും, എസ്.എസ്.എല്.സി ബൗദ്ധിക വെല്ലുവിളികള് നേരിടുന്ന വിഭാഗത്തിലെ 242 പേര്ക്കുമായി ആകെ 731 വിദ്യാര്ഥികള്ക്കാണ് തുക നല്കിയിരിക്കുന്നത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.