മലപ്പുറം:മലപ്പുറം എടവണ്ണപ്പാറയിൽ കാണാതായ പെൺകുട്ടിയുടെ മൃതദേഹം ചാലിയാര് പുഴയിൽ കണ്ടെത്തിയ സംഭവത്തില് വെളിപ്പെടുത്തലുമായി ദൃക്സാക്ഷി. മരണത്തില് ദുരൂഹതയുണ്ടെന്നും പുഴയില് മുങ്ങി മരിക്കാനുള്ള സാധ്യതയില്ലെന്നുമാണ് വെളിപ്പെടുത്തല്. മൃതദേഹം കണ്ടെത്തുമ്പോള് വസ്ത്രങ്ങള് ഉണ്ടായിരുന്നില്ലെന്ന് അയല്വാസി പറഞ്ഞു. മാത്രവുമല്ല ആത്മഹത്യ ചെയ്തെങ്കില് മൃതദേഹം പൊങ്ങാനുള്ള സമയം ആയില്ലെന്നും മരണത്തില് ദുരൂഹതയുണ്ടെന്നും അയല്വാസി പറഞ്ഞു
മുട്ടോളം ഉയരത്തിലുള്ള വെള്ളത്തിലാണ് മൃതദേഹം ഉണ്ടായിരുന്നത്. മൃതദേഹം കണ്ടെത്തുമ്പോള് മുകളിലെ വസ്ത്രം ഉണ്ടായിരുന്നില്ല. അതിനാലാണ് മരണത്തില് ബന്ധുക്കള്ക്ക് ഉള്പ്പെടെ സംശയമുള്ളതെന്നും . മുങ്ങാനുള്ള വെള്ളമില്ലാത്ത സ്ഥലത്താണ് മൃതദേഹം കിടന്നിരുന്നതെന്നും മേല്വസ്ത്രങ്ങളുണ്ടായിരുന്നില്ലെന്നും കൊലപാതകമാണോയെന്ന് സംശയമുണ്ടെന്നും അയല്വാസികളും ബന്ധുക്കളും പറഞ്ഞു. കുട്ടിയുടെ മരണവുമായി ബന്ധപ്പെട്ട് ആക്ഷൻ കമ്മിറ്റിയും നാട്ടുകാര് രൂപവത്കരിച്ചിട്ടുണ്ട്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.