വയനാട് വെള്ളമുണ്ട വെള്ളിലാടിയിലെ അരുംകൊലയില് ഭര്ത്താവും ഭാര്യയും അറസ്റ്റില്. ഉത്തര്പ്രദേശ് സഹറാന്പൂര് സ്വദേശികളായ മുഹമ്മദ് ആരിഫ്, ഭാര്യ സൈനബ എന്നിവരാണ് അറസ്റ്റിലായത്. സഹറാന്പൂര് സ്വദേശിയായ മുഖീം അഹമ്മദ് ആണ് കൊല്ലപ്പെട്ടത്. ഭാര്യയുമായി മുഖീമിന് ബന്ധമുണ്ടെന്ന സംശയത്തിലായിരുന്നു കൊലപാതകം.
വെള്ളിലാടിയിലെ ക്വാര്ട്ടേഴ്സിലേക്ക് വിളിച്ചുവരുത്തി കഴുത്തില് തോര്ത്ത് മുറുക്കിയാണ് കൊന്നത്. കൊലയ്ക്ക് ഭാര്യ ഒത്താശ ചെയ്തുവെന്ന് പൊലീസ് കണ്ടെത്തി. കൊലയ്ക്ക് ശേഷം പുതുതായി വാങ്ങിയ കത്തികൊണ്ട് മൃതദേഹം അറുത്തുമാറ്റി ബാഗുകളിലാക്കുകയും മാലിന്യമെന്ന വ്യാജേന ഓട്ടോറിക്ഷയില് കയറ്റി ഉപേക്ഷിക്കുകയുമായിരുന്നു.
മൂളിത്തോടു പാലത്തിനടിയില് നിന്ന് കഴിഞ്ഞ ദിവസം മൃതദേഹം കണ്ടെടുത്തിരുന്നു. മൃതദേഹം ബാഗുകളിലാക്കി ഉപേക്ഷിക്കാനുള്ള ശ്രമത്തിനിടെ ഓട്ടോ ഡ്രൈവര്ക്ക് സംശയം തോന്നി പൊലീസിനെ വിവരമറിയിക്കുകയായിരുന്നു. മൃതദേഹം ബാഗിലാക്കിയ നിലയിലാണ് മൂളിത്തോട് പാലത്തിനടിയില് നിന്ന് കണ്ടെത്തിയത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
