ഫറോക്ക്: ദേശീയപാത ചെറുവണ്ണൂരില്‍ ഡീസല്‍ ടാങ്കർ ലോറിക്ക് തീപിടിച്ചത് പരിഭ്രാന്തി പടർത്തി. മീഞ്ചന്ത ഫയർ സർവിസില്‍ നിന്നെത്തിയ സേനാംഗങ്ങളുടെ ഇടപെടല്‍ കാരണം വൻ ദുരന്തം ഒഴിവായി.
ഞായറാഴ്ച ഉച്ചക്ക് 1.25 നായിരുന്നു സംഭവം. ദേശീയപാതയില്‍ തിരക്കു കുറഞ്ഞ സമയമായതിനാല്‍ ടാങ്കർ ലോറി റോഡിനു അരികിലേക്ക് ചേർത്തുനിർത്താൻ കഴിഞ്ഞതും പെട്ടെന്ന് തീ അണക്കാനായതും ദുരന്തം ഒഴിയാൻ സഹായകമായി. കോഴിക്കോട് ഭാഗത്തുനിന്ന് വിവിധ സ്ഥാപനങ്ങളില്‍ ഡീസല്‍ നല്‍കിയ ശേഷം മണ്ണൂർ ഭാഗത്തേക്ക് പോകുകയായിരുന്ന ടാങ്കർ ലോറിയുടെ കാബിനില്‍ നിന്ന് പുക ഉയർന്നപ്പോള്‍ ഡ്രൈവർ, വാഹനത്തില്‍ ഉണ്ടായിരുന്ന ഡി.സി.പി എക്സിറ്റിങ്ഗ്യൂഷർ ഉപയോഗിച്ച്‌ തീ അണക്കാൻ ശ്രമിച്ചെങ്കിലും നടന്നില്ല. തുടർന്ന് മീഞ്ചന്തയില്‍നിന്ന് അഗ്നിരക്ഷാ സേനാംഗങ്ങള്‍ എത്തി തീ അണക്കുകയായിരുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
