ഡല്‍ഹി : രാജ്യത്ത് ആട്ട വില കുറയുന്നു. കഴിഞ്ഞ ഒരു മാസത്തിനിടെ ആട്ട വില കിലോഗ്രാമിന് 5 രൂപ മുതല്‍ 7 രൂപ വരെയാണ് കുറഞ്ഞത്.
പ്രധാന ഗോതമ്ബ് ഉല്‍പ്പാദക സംസ്ഥാനങ്ങളായ പഞ്ചാബ്, ഹരിയാന, മധ്യപ്രദേശ്, ഉത്തർപ്രദേശ്, രാജസ്ഥാൻ, ഗുജറാത്ത് എന്നിവിടങ്ങളില്‍ നിന്നുള്ള ഗോതമ്ബ് വരവ് കൂടിയതോടെയാണ് ആട്ട വില താഴ്ന്നത്.
ഇതോടെ നിരവധി ബ്രാന്റഡ് ആട്ട കമ്ബനികള്‍ കിലോഗ്രാമിന് 1.5 രൂപ മുതല്‍ 5 രൂപ വരെ വില കുറച്ചിട്ടുണ്ട്. അതേ സമയം ഈ വിലകുറവ് ചില്ലറ വിപണിയില്‍ പൂർണ്ണമായും പ്രതിഫലിക്കാൻ കുറച്ച്‌ ആഴ്ചകള്‍ കൂടി എടുത്തേക്കാമെന്ന് വിതരണക്കാർ പറയുന്നു. മൊത്തവിലയിലും ഗണ്യമായ കുറവ് ഉണ്ടായിട്ടുണ്ട്. ഡല്‍ഹിയില്‍ ക്വിന്റലിന് 2,900 രൂപ – 3,000 രൂപയായി വില കുറഞ്ഞു. ഒരു മാസം മുമ്ബ് ഇത് 3,600 രൂപ മുതല്‍ – 3,700 രൂപ വരെയായിരുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
