വടകര: തെരുവുനായകളുടെ ആക്രമണത്തില് മൂന്ന് ആടുകള് ചത്ത നിലയില്. വടകര വില്യാപ്പള്ളി മംഗലോറമല വ്യവസായ എസ്റ്റേറ്റിന് സമീപത്താണ് സംഭവം. വാറോള്ള മലയില് മാതുവിന്റെ വീട്ടിലെ ആടുകളെയാണ് തെരുവുനായകള് കടിച്ചു കൊന്നത്. ബുധനാഴ്ച പുലര്ച്ചെയോടെയാണ് ആക്രമണമുണ്ടായത്.
കൂടിന്റെ വാതില് തകര്ത്താണ് നായകള് അകത്തുകയറിയത്. ആക്രമണത്തില് രണ്ട് ഗര്ഭിണികളായ ആടുകളും ഒരു ആട്ടിന് കുട്ടിയുമാണ് ചത്തത്. മാതുവിന്റെ മകന് ബാബു രാവിലെ എഴുന്നേറ്റപ്പോഴാണ് സംഭവം ശ്രദ്ധയില്പ്പെട്ടത്. മംഗലോറമല ഗവ. ഐടിഐ കെട്ടിടത്തിന്റെ പരിസരത്ത് തെരുവുനായകളുടെ ശല്യം രൂക്ഷമാണെന്ന് നാട്ടുകാര് പറയുന്നു. മാസങ്ങള്ക്ക് മുന്പ് ഇതിനടുത്തായി ആട്ടിന്കുട്ടിയെ തെരുവുനായ കടിച്ച് കൊന്നിരുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
