കേരളത്തിൽ നിന്ന് ബെംഗളൂരുവിലേക്ക് പോകുന്ന എല്ലാ യാത്രക്കാരും 72 മണിക്കൂർ ഉള്ള COVID നെഗറ്റീവ് ടെസ്റ്റ് സർട്ടിഫിക്കറ്റ് കൈവശം വയ്ക്കണമെന്ന് ബ്രുഹത് ബെംഗളൂരു മഹാനഗര പാലികെ (ബിബിഎംപി) കമ്മീഷണർ മഞ്ജുനാഥ് പ്രസാദ് ചൊവ്വാഴ്ച വ്യക്തമാക്കി. ബെംഗളൂരുവിൽ കോവിഡ് -19 കേസുകൾ വർദ്ധിച്ചതിന്റെ വെളിച്ചത്തിലാണ് പ്രഖ്യാപനം.
ആർടി-പിസിആർ നെഗറ്റീവ് പരിശോധനാ ഫലമില്ലാതെ കേരളത്തിൽ നിന്ന് വരുന്നവരോട് ബെംഗളൂരുവിൽ ടെസ്റ്റ് നടത്താൻ ആവശ്യപ്പെടുമെന്നും പോസിറ്റീവ് ആണെന്ന് കണ്ടെത്തിയാൽ കൊറന്റൈനിൽ പോകേണ്ടി വരുമെന്നും കമ്മീഷണർ പറഞ്ഞു. പരിശോധനാ ഫലം നെഗറ്റീവ് ആയി തിരിച്ചെത്തിയാൽ മാത്രമേ അവർക്ക് സ്വതന്ത്രമായി നീങ്ങാൻ കഴിയൂ എന്ന് മഞ്ജുനാഥ് പ്രസാദ് പറഞ്ഞു.
കേരളത്തിൽ നിന്ന് ദക്ഷിണ കന്നഡ, ഉഡുപ്പി, മൈസുരു, കൊടഗു, ചാമരാജനഗർ ജില്ലകളിലേക്ക് വരുന്ന വിദ്യാർത്ഥികൾ 72 മണിക്കൂറിൽ കുറവ് ഉള്ള കോവിഡ് നെഗറ്റീവ് ടെസ്റ്റ് സർട്ടിഫിക്കറ്റ് കൈവശം വയ്ക്കണമെന്ന് കർണാടക ആരോഗ്യ വകുപ്പ് ഉത്തരവ് പുറപ്പെടുവിച്ച് ഒരാഴ്ച കഴിഞ്ഞാണ് തീരുമാനം.
ചൊവ്വാഴ്ച രാവിലെ ഒരു ഓൺലൈൻ മീറ്റിംഗിലാണ് ബെംഗളൂരുവിൽ ഉയർന്നുവരുന്ന കോവിഡ് -19 ക്ലസ്റ്ററുകളെക്കുറിച്ച് ചർച്ച ചെയ്യാൻ കമ്മീഷണർ ഇക്കാര്യം അറിയിച്ചത്. യോഗത്തിൽ റസിഡന്റ് വെൽഫെയർ അസോസിയേഷനുകളിലെ (ആർഡബ്ല്യുഎ) അംഗങ്ങൾ പങ്കെടുത്തു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
