പെണ്കുട്ടികള് ഏറെ ശ്രദ്ധിക്കുന്ന ഒന്നാണ് മുഖ സൗന്ദര്യം. മുഖം ഭംഗിയാക്കാൻ എന്തുവിലകൊടുത്തും സൗന്ദര്യവർദ്ധക വസ്തുക്കൾ വാങ്ങാൻ അവർ തയ്യാറാണ്. എന്നാൽ വിപണിയിൽ നിന്ന് വാങ്ങിയ സൗന്ദര്യവർദ്ധകവസ്തുക്കളിൽ ഭൂരിഭാഗവും ചർമ്മത്തെ വീണ്ടും അപകടത്തിലാക്കുന്നു. അതേസമയം, പാർശ്വഫലങ്ങളില്ലാത്തതിനാൽ നമുക്ക് ഭയമില്ലാതെ പ്രകൃതിദത്ത സ്ക്രബുകളും ഫെയ്സ് പായ്ക്കുകളും ഉപയോഗിക്കാം. ഇത്തരം പൊടിക്കൈകള് വീട്ടില് തന്നെ പരീക്ഷിക്കാവുന്നതുമാണ്. ഇതിനുള്ള ഏറ്റവും മികച്ച ഉദാഹരണം ആണ് കോഫി ഉപയോഗിച്ചുള്ള സ്ക്രബ്.
കോഫി പൊടി ഒരു നല്ല സ്ക്രബ് ആണ്. ചർമ്മത്തിലെ മൃതകോശങ്ങളിൽ നിന്ന് മുക്തി നേടാനും ചര്മ്മം തിളങ്ങാനും പാൽ, തേൻ, പനിനീർ, വെളിച്ചെണ്ണ, ഒലിവ് ഓയിൽ എന്നിവയിൽ ഏതെങ്കിലും കൂട്ടി കലർത്തിയ ശേഷം മുഖത്ത് പുരട്ടി കഴുകിക്കളയുന്നതിനുമുമ്പ് പത്ത് മിനിറ്റ് മസാജ് ചെയ്യുക. നമുക്ക് ചില കോഫി സ്ക്രബുകൾ നോക്കാം …
കോഫി- കറ്റാർ വാഴ സ്ക്രബ്
ഒരു കപ്പ് കോഫിപ്പെടിയിലേക്ക് അഞ്ച് ടീസ്പൂൺ കറ്റാർ വാഴ ജെൽ ചേർക്കുക. ഈ മിശ്രിതം മുഖത്ത് നന്നായി പുരട്ടുക. 10 മുതൽ 15 മിനിറ്റ് വരെ മസാജ് ചെയ്യുക. തുടർന്ന് കഴുകിക്കളയുക.
കോഫി- തേൻ സ്ക്രബ്
വരണ്ട ചർമ്മത്തിന്, കോഫിയോടൊപ്പം തേന് കൂടി ഉപയോഗിക്കാം. ഒരു വലിയ ബൌളില് 4 ടീസ്പൂൺ കോഫി പൊടി എടുക്കുക. അതിലേക്ക് ഒരു കപ്പ് പാലും 2 ടീസ്പൂൺ തേനും ചേർക്കുക. ഈ മിശ്രിതം മുഖത്ത് പുരട്ടുക. 10-15 മിനിറ്റിനു ശേഷം കഴുകുക.
കോഫി- കറുവാപ്പട്ട സ്ക്രബ്
തിളക്കമുള്ളതും മിനുസമാർന്നതുമായ ചർമ്മത്തിന് കോഫി ഉത്തമമാണ്. ചർമ്മത്തിൽ നിന്നുള്ള അമിത എണ്ണയെ ഇല്ലാതാക്കാൻ കോഫി സഹായിക്കുന്നു.
ഒരു ബൌളില് 3 ടീസ്പൂൺ വെളിച്ചെണ്ണ ചൂടാക്കുക. അതിലേക്ക് ഒരു കപ്പ് കോഫി പൊടി, രണ്ട് ടീസ്പൂൺ കറുവപ്പട്ട പ്പെടി , ഒരു കപ്പ് പഞ്ചസാര എന്നിവ ചേർക്കുക. തണുപ്പിച്ച ശേഷം മുഖത്ത് പുരട്ടുക. പതിനഞ്ച് മിനിറ്റിന് ശേഷം കഴുകിക്കളയുക.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
