കണ്ണൂര്: പെരിങ്ങത്തൂര് സന്ദര്ശിച്ച് സിപിഎം നേതാക്കള്. ജില്ലാ സെക്രടറി എം വി ജയരാജൻ, സംസ്ഥാന കമിറ്റിയംഗം പി ജയരാജൻ, പി ഹരീന്ദ്രൻ, കെ പി മോഹനൻ ഉൾപെടെയുള്ള നേതാക്കൾ അക്രമിക്കപെട്ട ഓഫീസുകളും വീടുകളും സന്ദർശിച്ചു. സാധാരണ ജീവിതം തകര്ക്കുന്ന ആക്രമണമാണ് നടന്നതെന്നും ആസൂത്രിത കലാപത്തിന് അക്രമികള് ശ്രമിച്ചെന്നും എം വി ജയരാജന് മാധ്യമങ്ങളോട് പറഞ്ഞു.
അതേസമയം, മുസ്ലീം ലീഗ് പ്രവർത്തകന് മന്സൂറിന്റെ കൊലപാതകവുമായി ബന്ധപ്പെട്ട് പിടിയിലായ ശിനോസിന്റെ അറസ്റ്റ് രേഖപ്പെടുത്തി. പ്രദേശത്ത് നിന്ന് കിട്ടിയ വാളുപയോഗിച്ചല്ല വെട്ടിയതെന്നും ഇത് അക്രമികളുടെ കയ്യിൽ നിന്നും വീണുപോയ ആയുധമാകാമെന്നും പൊലീസ് പറഞ്ഞു. വിലാപയാത്രക്കിടെ സിപിഎം ഓഫീസുകൾ തകർത്ത സംഭവത്തില് പത്ത് ലീഗ് പ്രവർത്തകർകരെയും കസ്റ്റഡിയിലെടുത്തു.
ലീഗിന്റെ ക്രമിനലുകള് സംഘടിപ്പിച്ച അക്രമത്തില് സിപിഎമിന്റെ എട്ട് ഓഫീസുകൾ, കടകൾ, വീടുകൾ എന്നിവ തകർത്തു. ലീഗിന്റെ നേതൃത്വം കുറ്റകരമായ മൗനത്തിലാണെന്നും പ്രവർത്തകരെ അഴിഞ്ഞാടാൻ അനുവദിക്കുകയാണെന്നും ജയരാജന് പറഞ്ഞു. സമാധാന ശ്രമങ്ങളോട് സിപിഎം സഹകരിക്കുമെന്നും കൊലപാതകത്തിലും തുടര്ന്നുണ്ടായ അക്രമത്തിലും കർശനമായ നടപടി ഉണ്ടാകണമെന്നും അദ്ദേഹം ആവശ്യപ്പെട്ടു.
ബുധനാഴ്ച രാത്രി മൻസൂറിന്റെ വിലാപ യാത്രയ്ക്കിടെയാണ് മേഖലയിലെ സിപിഎം ഓഫീസുകൾക്ക് നേരെ വ്യാപക അക്രമം നടന്നത്. പെരിങ്ങത്തൂർ, പെരിങ്ങളം ലോകൽ കമിറ്റി ഓഫീസുകളും പി കൃഷ്ണപിള്ള സ്മാരക മന്ദിരവും ലീഗ് പ്രവർത്തകർ തീവെച്ച് നശിപ്പിച്ചു.
മൻസൂറിന്റെ വീട്ടിലേക്ക് പോകും വഴിയുള്ള കീഴ്മാടം, കൊച്ചിയങ്ങാടി, കടവത്തൂർ ബ്രാഞ്ച് കമിറ്റി ഓഫീസുകളും തീവെച്ചു. നിരവധി കടകൾക്ക് നേരെയും ആക്രമണം നടന്നു. മൻസൂറിന്റെ മൃതദേഹം ബുധനാഴ്ച രാത്രി 8.45 ഓടെ ഖബറടക്കി.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
