കൊച്ചിൻ അന്താരാഷ്ട്ര വിമാനത്താവളത്തിൽ നിന്ന് യുണൈറ്റഡ് കിംഗ്ഡത്തിന്റെ തലസ്ഥാനമായ ലണ്ടനിലേ ലണ്ടനിലെ ഹീത്രൂ വിമാനത്താവളത്തിലേക്ക് നേരിട്ടുള്ള എയര്‍ ഇന്ത്യയുടെ ആദ്യ വിമാന സര്‍വ്വീസ് ഇന്ന് രാവിലെ പുറപ്പെടും. യന്ത്രതകരാറിനെ തുടര്‍ന്ന് വിമാന സര്‍വീസ് റദ്ദാക്കിയിരുന്നു.
ഇന്നലെ ഉച്ചയ്ക്ക് പുറപ്പെടേണ്ടിയിരുന്ന വിമാനമാണ് ഇന്നത്തേക്ക് പുനക്രമീകരിച്ചത്. ഇന്നലെ വിമാന പുറപ്പെടാതിരുന്നതിനെ തുടര്‍ന്ന് യാത്രക്കാര്‍ പ്രതിഷേധിച്ചിരുന്നു. കൊച്ചി നെടുമ്പാശ്ശേരി വിമാനത്താവളത്തിലായിരുന്നു യാത്രക്കാരുടെ പ്രതിഷേധം.
പുലര്‍ച്ചെ 3.30 ന് എത്തിച്ചേര്‍ന്ന എയര്‍ ഇന്ത്യയുടെ വിമാനം ഉച്ചയ്ക്ക് 1.30ന് തിരികെ പോകേണ്ടതായിരുന്നു. എന്നാല്‍ വിമാനത്തിന് ചില സാങ്കേതിക തകരാര്‍ സംഭവിച്ചത് മൂലം വിമാനസര്‍വീസ് വൈകുന്നതെന്നാണ് എയര്‍പോര്‍ട്ട് അധികൃതര്‍ നല്‍കിയ വിശദീകരണം.
അതേസമയം വിമാനം പുറപ്പെടേണ്ട സമയം കഴിഞ്ഞ് മണിക്കൂറുകള്‍ പിന്നിട്ടിട്ടും ഔദ്യോഗികമായി യാതൊരു അറിയിപ്പും ലഭിച്ചിട്ടില്ലെന്നാണ് യാത്രക്കാര്‍ പറഞ്ഞു. ഇതിന് പിന്നാലെ വിമാന സര്‍വീസ് റദ്ദാക്കിയതായി അധികൃതര്‍ അറിയിക്കുകയായിരുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
