തിരുവനന്തപുരം: പാലാ ബിഷപ്പ് മാർ ജോസഫ് കല്ലറങ്ങാടിന്റെ ‘നാർക്കോട്ടിക് ജിഹാദ്’ പരാമർശത്തെ മുഖ്യമന്ത്രി പിണറായി വിജയൻ വിമർശിച്ചു. മയക്കുമരുന്നിന്റെ പ്രശ്നം ഒരു മതത്തെയും മാത്രമല്ല സമൂഹത്തെയും ബാധിക്കുമെന്ന് അദ്ദേഹത്തോട് പറഞ്ഞു. നാർക്കോട്ടിക്സ് ജിഹാദ് എന്ന വാക്ക് നമ്മൾ ആദ്യമായി കേൾക്കുകയാണെന്നും മയക്കുമരുന്നിന് മതത്തിന്റെ നിറം നൽകരുതെന്നും അദ്ദേഹം വാർത്താ സമ്മേളനത്തിൽ പറഞ്ഞു.
“ഒരു തരത്തിലുള്ള ചേരിതിരിവും സൃഷ്ടിക്കാതിരിക്കാൻ നമ്മൾ ശ്രദ്ധിക്കണം. നാര്‍കോട്ടിക്കിന്‍റെ പ്രശ്നം ഏതെങ്കിലും മതവിഭാഗത്തെ മാത്രം ബാധിക്കുന്നില്ല. സമൂഹത്തെ ബാധിക്കും. ആ നിലക്ക്, നാമെല്ലാവരും ആശങ്കാകുലരാണ്. കഴിയുന്നത്ര അതിനെ അനേരിടുന്നുണ്ട്. ഇതിനെതിരെ നിയമനടപടികൾ ശക്തമാക്കുന്നുണ്ട്. മയക്കുമരുന്നിന് മതത്തിന്റെ നിറം നൽകരുത്. ഇതിന് സാമൂഹ്യ വിരുദ്ധതയുടെ നിറമുണ്ട്. ഒരു മതവും മയക്കുമരുന്നുകളെ പ്രോത്സാഹിപ്പിക്കുന്നില്ല. അദ്ദേഹം ഇങ്ങനെ പറയാനുണ്ടായ സാഹചര്യം വ്യക്തമല്ല.” മുഖ്യമന്ത്രി പറഞ്ഞു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
