മാ​ധ്യ​മ​ങ്ങ​ളി​ല്‍ വിലക്കുറവറിഞ്ഞ്​ മാ​ര്‍​ക്ക​റ്റു​ക​ളി​​ലേ​ക്ക്​ ജ​ന​മൊ​ഴു​കി; മീനിന്റെ വിലയും കൂടി

കോഴിക്കോട്: മീനിന്റെ വില കുറവാണെന്ന് അറിഞ്ഞതോടെ മത്സ്യ മാർക്കറ്റുകൾ സജീവമായി.
ആ​ളു കൂ​ടി​യ​തോ​ടെ മീ​നി​ന്​ വി​ല​യും കൂ​ടി. കോ​ഴി​ക്കോ​ട്​ സെ​ന്‍​ട്ര​ല്‍ മാ​ര്‍​ക്ക​റ്റി​ല്‍ ഞാ​യ​റാ​ഴ്​​ച മീ​ന്‍​വാ​ങ്ങാ​നെ​ത്തി​യ​ത്​ റെ​ക്കോ​ഡ്​ ജ​നം. തി​ങ്ക​ളാ​ഴ്​​ച ഹ​ര്‍​ത്താ​ല്‍ കൂ​ടി​യാ​യ​തി​നാ​ല്‍ ന​ല്ലോ​ണം മീ​ന്‍​കൂ​ട്ടാ​ന്‍ ജ​നം തീ​രു​മാ​നി​ച്ചു.​ കു​റ​ഞ്ഞ വി​ല​ക്ക്​ ആ​വോ​ലി​യും അ​യ​ക്കൂ​റ​യും വാ​ങ്ങാ​മെ​ന്ന്​ ക​രു​തി വ​ന്ന​വ​ര്‍ പ​ക്ഷേ നി​രാ​ശ​രാ​യി മ​ട​ങ്ങി. ഇ​ട​ത്ത​രം ആ​വോ​ലി​ക്കു​ം അ​യ​ക്കൂ​റ​ക്കും കി​ലോ​ വി​ല അ​ഞ്ഞൂ​റാ​ക്കി കൂട്ടി. ക​ഴി​ഞ്ഞ ദി​വ​സ​ങ്ങ​ളി​ല്‍ ഇ​ത്​ 200നും ​പ​ര​മാ​വ​ധി 250നു​മാ​യി​രു​ന്നു വി​റ്റ​ത്. തീ​രെ ചെ​റി​യ അ​യ​ക്കൂ​റ​ക്കു​ട്ടി​ക​ള്‍ നൂ​റി​നും എ​ണ്‍​പ​തി​നും വ​രെ ഉ​പ​ഭോ​ക്താ​ക്ക​ള്‍​ക്ക്​ ലഭി​ച്ചി​രു​ന്നു.

മാ​ധ്യ​മ​ങ്ങ​ളി​ല്‍ വി​ല കു​റ​ഞ്ഞ വാ​ര്‍​ത്ത പ​ര​ന്ന​തോ​ടെ മാ​ര്‍​ക്ക​റ്റു​ക​ളി​ല്‍ ആ​ളു​കൂ​ടി. ഡി​മാ​ന്‍​ഡ്​​ കൂ​ടി​യ​പ്പോ​ള്‍ വി​ല​യും കൂ​ടി. അ​തേ​സ​മ​യം, ഒ​രാ​ഴ്​​ച​യാ​യി മൊ​ത്ത​വി​ല​യി​ല്‍ ഈ ​മീ​നു​ക​ള്‍​ക്കൊ​ന്നും വി​ല കൂ​ടി​യി​ട്ടി​ല്ല. ഇ​ത​ര​സം​സ്​​ഥാ​ന​ങ്ങ​ളി​ല്‍​നി​ന്നു​ള്ള മീ​ന്‍​വ​ര​വി​നും കു​റ​വി​ല്ല.ചി​ല്ല​റ വി​ല്‍​പ​ന​ക്കാ​രാ​ണ്​ മീ​നി​ന്​ പൊ​ള്ളു​ന്ന വി​ല തീ​രു​മാ​നി​ക്കു​ന്ന​ത്. പ്രാ​ദേ​ശി​ക ബോ​ട്ടു​കാ​രും വ​ല നി​റ​യെ മീ​നു​മാ​യാ​ണ്​ ക​ട​ലി​ല്‍​നി​ന്ന്​ വ​രു​ന്ന​ത്. ചെ​റു​കി​ട മീ​നു​ക​ള്‍ സു​ല​ഭ​മാ​ണ്. ചി​ല്ല​റ​ക്ക​ച്ച​വ​ട​ക്കാ​ര്‍ പ​ക്ഷേ വി​ല കു​റ​ക്കാ​ന്‍ ത​യാ​റാ​വു​ന്നി​ല്ലെ​ന്ന പ​രാ​തി​യു​ണ്ട്.

പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.