ശ്വാസകോശ ഞരമ്പുകളുടെ പ്രവർത്തനത്തെ ബാധിക്കുന്ന സങ്കോചമോ, നീർവീക്കമോ മൂലം അസ്വസ്ഥതയും, ശ്വാസം കിട്ടാതിരിക്കുകയും ചെയ്യുന്ന അവസ്ഥയാണ് ആസ്ത്മ. പാരമ്പര്യവും പാരിസ്ഥിതിക ഘടകങ്ങളുമാണ് ആസ്ത്മയുടെ പ്രധാന കാരണങ്ങൾ. നേരത്തേ കണ്ടെത്തിയാൽ പൂർണമായും നിയന്ത്രിക്കാവുന്ന രോഗമാണ് ആസ്ത്മ.
ആസ്ത്മ ചികിത്സയുടെ ഏറ്റവും പ്രധാനപ്പെട്ട ഭാഗമാണ് ഇൻഹേലർ മരുന്നുകൾ. ഇൻഹേലറുകൾ ചെറിയ അളവിൽ അവശ്യ മരുന്നുകൾ നേരിട്ട് ശ്വാസനാളികളിലേക്ക് എത്തിക്കുന്നു. രോഗം നേരത്തേ കണ്ടെത്തിയാൽ, ലളിതമായ യോഗാസനങ്ങളും ഭക്ഷണക്രമവും ഉപയോഗിച്ച് ആസ്ത്മ മാറ്റാവുന്നതാണ്. ആസ്ത്മ ഒഴിവാക്കാനുള്ള വഴികൾ ഇതാ…
ധാരാളം ആരോഗ്യ മൂല്യങ്ങളുള്ള ഒരു മരുന്നാണ് ഇഞ്ചി. ഇഞ്ചി ഒരു മികച്ച ആസ്തമ വിരുദ്ധ മരുന്നാണ്. അതിനാൽ, നിങ്ങളുടെ ഭക്ഷണത്തിൽ കൂടുതൽ ഇഞ്ചി ഉപയോഗിക്കുക.
ആസ്ത്മ ശമനത്തിന് ചീര ഉത്തമമാണ്. ആസ്തമ രോഗികൾ ഭക്ഷണത്തിൽ ധാരാളം ചീര ഉൾപ്പെടുത്തണം. ചീരയിൽ ബീറ്റാ കരോട്ടിൻ, വിറ്റാമിൻ ഇ, ഉയർന്ന അളവിൽ വിറ്റാമിൻ സി എന്നിവ അടങ്ങിയിട്ടുണ്ട്, ഇത് ആസ്ത്മ തടയാൻ സഹായിക്കും.
നിർജ്ജലീകരണം പലപ്പോഴും ആസ്ത്മയുടെ മൂലകാരണമായി പറയപ്പെടുന്നു. അതിനാൽ ധാരാളം വെള്ളം കുടിക്കുന്നത് ഉറപ്പാക്കുക. ആസ്തമയുടെ കാര്യത്തിൽ ശരീരം കൂടുതൽ വെള്ളത്തിനായി ദാഹിക്കുന്നുവെന്ന് മനസ്സിലാക്കുക.
ആസ്തമ നിയന്ത്രണത്തിന് അവോക്കാഡോ നല്ലതാണ്. ധാരാളം ഗ്ലൂട്ടത്തയോൺ അടങ്ങിയിരിക്കുന്നതിനാൽ ഇത് ആസ്ത്മ തടയാൻ സഹായിക്കുന്നു. ഇതിൽ ധാരാളം ആന്റിഓക്‌സിഡന്റുകൾ ഉണ്ട്.
സമ്മർദ്ദം ആസ്ത്മ ലക്ഷണങ്ങൾക്ക് കാരണമായേക്കാം. യോഗയിൽ ഉപയോഗിക്കുന്ന ശ്വസന വ്യായാമങ്ങൾ ആസ്ത്മ ഉള്ള ചിലർക്ക് ശ്വസനം നിയന്ത്രിക്കാനും സമ്മർദ്ദം ഒഴിവാക്കാനും സഹായിക്കും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
