റിയാദിലെ താമസസ്ഥലത്തുണ്ടായ തീപിടിത്തത്തിൽ രണ്ട് മലയാളികളടക്കം ആറ് പേർ മരിച്ചു. റിയാദിലെ ഖാലിദിയയിലുള്ള പെട്രോൾ പമ്പിലെ താമസസ്ഥലത്താണ് ഷോട്ട് സർക്യൂട്ടുണ്ടായത്. മലപ്പുറം സ്വദേശി ഇർഫാൻ ഹബീബ് (35), വളാഞ്ചേരി സ്വദേശി തറക്കൽ അബ്ദുൾ ഹക്കീം (31) എന്നിവരാണ് മരിച്ചത്.
മറ്റുള്ളവർ ഗുജറാത്ത്, തമിഴ്‌നാട്, മഹാരാഷ്ട്ര, രാജസ്ഥാൻ സ്വദേശികളാണെന്ന് പറയപ്പെടുന്നു. കൂടുതൽ മലയാളികളുണ്ടോ എന്ന് വ്യക്തമല്ല. ഇന്നലെ രാത്രി 1.30നായിരുന്നു അപകടം. ഇവരെല്ലാം പെട്രോൾ പമ്പിൽ പുതുതായി ജോലിയിൽ പ്രവേശിച്ചവരാണ്. വ്യാഴാഴ്ചയാണ് ഇവരില്‍ മൂന്ന് പേര്‍ക്ക് താമസരേഖ (ഇഖാമ) പോലും ലഭിച്ചത്. ഇന്ത്യൻ എംബസി ഉദ്യോഗസ്ഥരും റിയാദ് കെഎംസിസി വെൽഫെയർ വിംഗ് ചെയർമാൻ സിദ്ദിഖ് തുവ്വൂരും മരിച്ചവരുമായി ബന്ധപ്പെട്ട നടപടികളുമായ പ്രക്രിയയിൽ പങ്കാളികളാണ്. നാല് മലയാളികൾ മരിച്ചതായി സാമൂഹിക പ്രവർത്തകർക്ക് പ്രാഥമിക വിവരം ലഭിച്ചിരുന്നു. മൃതദേഹങ്ങൾ ഷുമൈസി ആശുപത്രി മോർച്ചറിയിൽ.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
