പെരുവയൽ: പെരുവയലിൽ ബൈക്കിടിച്ച് നാടോടി സ്ത്രീ മരണപ്പെട്ടു. ആന്ധ്ര ചിറ്റൂർ സ്വദേശിനി സാവിത്രിയാണ് മരണപ്പെട്ടത്. ഇന്ന് രാവിലെ 9.15 ഓടെയാണ് അപകടം. മാവൂർ കോഴിക്കോട് റോഡിൽ പെരുവയൽ വില്ലേജ് ഓഫീസിന് മുന്നിലാണ് അപകടമുണ്ടായത്. റോഡ് മുറിച്ചുകടക്കുകയായിരുന്ന നാടോടി സ്ത്രീയെ മാവൂർ ഭാഗത്തു നിന്നും വരികയായിരുന്ന ബൈക്ക് ഇടിച്ചു തെറിപ്പിക്കുകയായിരുന്നു.
തുടർന്ന് ബൈക്ക് സമീപത്തെ സ്‌കൂട്ടറിൽ ഇടിച്ച് സ്‌കൂട്ടർ യാത്രക്കാരനും പരിക്കേറ്റിട്ടുണ്ട്. പരിക്കേറ്റവരെ നാട്ടുകാർ ചേർന്ന് ഉടൻ കോഴിക്കോട് മെഡിക്കൽ കോളജിൽ എത്തിച്ചെങ്കിലും സ്ത്രീ മരണപ്പെട്ടു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
