മാവൂർ: ചെറൂപ്പയിൽ ബൈക്ക് നിയന്ത്രണം വിട്ട് മറിഞ്ഞ് ഒരാൾ മരണപ്പെട്ടു. ഇന്ന് രാവിലെ 9. 15 ഓടെ ചെറൂപ്പ ബാങ്കിനും അയ്യപ്പൻകാവിനുനിടയിൽ കുട്ടായി ബസാറിലാണ് അപകടം.
ചെറൂപ്പ സുസുക്കി ബൈക്ക് ഷോറൂമിലെ ജീവനക്കാരൻ പെരുവയൽ ചിറ്റാരിക്കുഴിയിൽ കൃഷ്ണൻകുട്ടിയുടെ മകൻ അഭയ് കൃഷ്ണയാണ് മരണപ്പെട്ടത്. പെരുവയലിൽ നിന്നും ചെറൂപ്പയിലെ ജോലി സ്ഥലത്തേക്ക് വരികയായിരുന്നു അഭയ് കൃഷ്ണ. ബൈക്കിന് നിയന്ത്രണം നഷ്ടമായതോടെ അഭയ് റോഡിലേക്ക് തെറിച്ച്‌ വീഴുകയായിരുന്നു. എതിർദിശയിലൂടെ വന്ന ഇരുചക്രവാഹനം ശരീരത്തില്‍ കയറിയാണ് അഭിന് ജീവൻ നഷ്ടമായത്. മൃതദേഹം കോഴിക്കോട് മെഡിക്കല്‍ കോളേജ് ആശുപത്രി മോർച്ചറിയിലേക്ക് മാറ്റി. പോസ്റ്റ്മോർട്ടത്തിന് ശേഷം ബന്ധുക്കള്‍ക്ക് വിട്ടു നല്‍കും
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
