കോഴിക്കോട് : കുറ്റ്യാടി പശുക്കടവിൽ ഇന്നലെ കാണാതായ യുവാവിനെ പുഴയിൽ മരിച്ച നിലയിൽ കണ്ടെത്തി. പശുക്കടവ് എക്കലിലെ അരിയിൽ ഷിജുവിനെ(40)യാണ് ഇന്നലെ ഉച്ചയ്ക്ക് രണ്ട് മണിയോടെ കാണാതായത്. തെങ്ങ് കയറ്റ തൊഴിലാളിയായ ഇയാൾ ഇന്നലെ ഉച്ചയോടെ ജോലി കഴിഞ്ഞ് മടങ്ങുന്ന വഴിയിലാണ് കാണാതായത്. കടന്തറ പുഴയ്ക്ക് കുറുകെ പൂഴിതോടിനും എക്കലിനും മധ്യയുള്ള തൂക്ക് പാലത്തിൽ ഇയാളുടെ ചെരുപ്പും തോർത്ത് മുണ്ടും കണ്ടതായി പ്രദേശവാസികൾ പറയുന്നു.
പുഴയിൽ വീണതാകാമെന്ന സംശയത്തിൽ നാട്ടുകാർ തിരച്ചിൽ തുടങ്ങി. എന്നാൽ, നദിയിലെ ശക്തമായ ഒഴുക്ക് തിരച്ചിലിന് തടസ്സമായി. തിരച്ചിൽ നിർത്തിവച്ചു. ഇന്ന് പുലർച്ചെ നാദാപുരം ചേലക്കാട് നിന്നെത്തിയ അഗ്നിശമനസേന നടത്തിയ തിരച്ചിലിനിടയിലാണ് മൃതദേഹം കണ്ടെത്തിയത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
