ദോഹ: നവംബർ 21 മുതൽ ഡിസംബർ 18 വരെ നടക്കുന്ന ഈ വർഷത്തെ ഫിഫ ഖത്തർ ലോകകപ്പിൽ കാണികളായെത്തുന്ന ആരാധകർക്കായി, ഹയ്യ കാർഡ് (ഫാൻ ഐഡി) പ്രോഗ്രാമും താമസ സൗകര്യ ബുക്കിംഗ് വെബ്‌സൈറ്റും ആരംഭിച്ചു കഴിഞ്ഞു. ലോകകപ്പ് ടിക്കറ്റുകൾ വാങ്ങിയ മുഴുവൻ പേരും ഒരു ഹയ്യ കാർഡിനായി അപേക്ഷിക്കണം അത് സ്റ്റേഡിയത്തിലേക്കുള്ള പ്രവേശനത്തിന് നിർബന്ധമാണ്.
മത്സര ദിവസങ്ങളിൽ കാണികൾക്ക് സൗജന്യ പൊതുഗതാഗതം ഉൾപ്പെടെ നിരവധി ആനുകൂല്യങ്ങൾ ഹയ്യ കാർഡ് നൽകും. രാജ്യാന്തര സന്ദർശകർക്ക് വിസയ്ക്ക് പകരം ഖത്തറിലേക്കുള്ള പ്രവേശനാനുമതിയായും ഇത് പ്രവർത്തിക്കും. ടിക്കറ്റ് വാങ്ങിയവർക്ക് Qatar2022.qa വഴിയും ‘ഹയ്യ ടു ഖത്തർ 2022’ മൊബൈൽ ആപ്ലിക്കേഷൻ (iOS & Android) വഴിയും ഹയ്യ കാർഡിന് അപേക്ഷിക്കാം. അപ്പാർട്ട്‌മെന്റുകൾ, വില്ലകൾ, ക്രൂയിസ് ഷിപ്പ് ക്യാബിനുകൾ എന്നിങ്ങനെ വർഷം മുഴുവനും വിവിധ ഓപ്ഷനുകൾ വാഗ്ദാനം ചെയ്യുന്ന സമർപ്പിത ഹോസ്റ്റ് കൺട്രി അക്കോമഡേഷൻ പോർട്ടൽ വഴി ആരാധകർക്ക് ഇപ്പോൾ താമസസൗകര്യവും ബുക്ക് ചെയ്യാനാകും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
