കോഴിക്കോട്: ട്യൂഷൻ കഴിഞ്ഞ് വരികയായിരുന്ന വിദ്യാർഥിനിയെ തട്ടിക്കൊണ്ടുപോകാൻ ശ്രമം. ഇന്നലെ വൈകിട്ട് അഞ്ചരയോടെ കോഴിക്കോട് തൊണ്ടയാടിന് സമീപം ഈസ്റ്റ് കുടില്‍ത്തോടിലാണ് സംഭവം. കോഴിക്കോട് സെൻ്റ് വിൻസെൻ്റ് സ്‌കൂളിലെ ഏഴാം ക്ലാസ് വിദ്യാർഥിനിയെയാണ് തട്ടിക്കൊണ്ടുപോകാൻ ശ്രമിച്ചത്.
പതിവുപോലെ ട്യൂഷൻ കഴിഞ്ഞ് റോഡിലൂടെ വരികയായിരുന്നു കുട്ടി. ഇതിനിടെ പെട്ടെന്ന് ഒരു കാർ സമീപത്ത് നിർത്തുകയും അതിൽ നിന്ന് രണ്ട് പേർ ഇറങ്ങി കുട്ടിയെ കാറിൽ കയറ്റാൻ ശ്രമിക്കുകയും ചെയ്തു. എന്നാൽ, കുട്ടി പിടികൂടിയയാളുടെ കൈ കടിച്ചപ്പോൾ അയാൾ പിടി വിട്ടു. തുടർന്ന് കുട്ടി തൊട്ടടുത്ത വീട്ടിലേക്ക് ഓടി രക്ഷപ്പെട്ടു.
ഈ വീട്ടുകാർ തന്നെയാണ് ചേവായൂർ പോലീസിൽ വിവരമറിയിച്ചത്. പ്രദേശത്തെ സിസിടിവി ദൃശ്യങ്ങൾ പോലീസും നാട്ടുകാരും പരിശോധിച്ചുവരികയാണ്. ഇതിനിടെ കുട്ടിയെ പൊലീസ് കൗൺസിലിങ്ങിന് വിധേയമാക്കി
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
