എളേറ്റിൽ: എളേറ്റിൽ വട്ടോളിയിൽ ബൈക്ക് നിയന്ത്രണം വിട്ടുണ്ടായ അപകടത്തിൽ ബൈക്ക് യാത്രികന് പരിക്കേറ്റു. ബൈക്ക് യാത്രികൻ കരിയാത്തൻകാവ് സ്വദേശിയാണെന്നാണ് പ്രാഥമിക വിവരം. ഇന്ന് ഉച്ചയ്ക്ക് 2.30ഓടെയാണ് സംഭവം. നരിക്കുനി-പൂനൂർ റോഡിൽ എളേറ്റിൽ വട്ടോളി അങ്ങാടിക്ക് സമീപം വരമ്പിൽ കയറുന്നതിനിടെയാണ് ബൈക്ക് നിയന്ത്രണം വിട്ടത്.
തുടർന്ന് സമീപത്തെ ഫുട്പാത്തിൻ്റെ ഇരുമ്പ് കൈവരിയിൽ ബൈക്ക് ഇടിച്ച് യാത്രക്കാരൻ റോഡിലേക്ക് വീഴുകയായിരുന്നു. ഉടൻ തന്നെ അങ്ങാടിയിലുണ്ടായിരുന്നവർ ആംബുലൻസ് വിളിച്ച് ബൈക്ക് യാത്രികനെ സമീപത്തെ സ്വകാര്യ ആശുപത്രിയിൽ എത്തിച്ച് പ്രാഥമിക ചികിത്സ നൽകി. തുടർന്ന് കൂടുതൽ ചികിത്സയ്ക്കായി കോഴിക്കോട് മെഡിക്കൽ കോളേജിലേക്ക് മാറ്റി.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
