ലഖ്‌നൗ: ആദ്യഘട്ട തെരഞ്ഞെടുപ്പിന് ഒരു ദിവസം മുമ്പ് ബിജെപി തങ്ങളുടെ തിരഞ്ഞെടുപ്പ് പ്രകടന പത്രിക പുറത്തിറക്കി. ലോക് കല്യാൺ സങ്കൽപ് പത്ര 2022 എന്ന പേരിൽ കേന്ദ്ര ആഭ്യന്തര മന്ത്രി അമിത് ഷാ പ്രകടന പത്രിക പുറത്തിറക്കി. 2017ൽ നൽകിയ 212 വാഗ്ദാനങ്ങളിൽ 92 ശതമാനവും പാലിച്ചതായി അമിത് ഷാ പറഞ്ഞു. ലൗ ജിഹാദ് വിവാഹങ്ങളിലെ പ്രതികൾക്ക് 10 വർഷം വരെ തടവും ഒരു ലക്ഷം രൂപ വരെ പിഴയും ലഭിക്കുമെന്നും പ്രകടന പത്രികയിൽ പറയുന്നു. കർഷകരുടെയും സ്ത്രീകളുടെയും കുട്ടികളുടെയും വികസനത്തിന് ഊന്നൽ നൽകുന്നതാണ് പ്രകടനപത്രിക.
മറ്റ് പ്രധാന വാഗ്ദാനങ്ങള്‍
അടുത്ത അഞ്ച് വര്‍ഷം കര്‍ഷകര്‍ക്ക് ജലസേചനത്തിന് സൗജന്യ വൈദ്യുതി, കര്‍ഷകര്‍ക്ക് കുഴല്‍ക്കിണറിനും മറ്റ് ജലസേചന പദ്ധതികള്‍ക്കുമായി 5000 കോടിയുടെ പദ്ധതി,കോള്‍ഡ് സ്‌റ്റോറേജ്, ഗോഡൗൺ, സംസ്‌കരണ ശാലകള്‍ എന്നിവയ്ക്കായി 25000 കോടിയുടെ പദ്ധതികള്‍,ഉരുളക്കിഴങ്ങ്, ഉള്ളി, തക്കാളി എിവയ്ക്ക് താങ്ങുവില ,സൗരോര്‍ജമുപയോഗിച്ച് ജലസേചനം നടത്തുന്ന കര്‍ഷകര്‍ക്ക് പുരസ്‌കാരം
ആറ് മെഗാ ഫുഡ്പാര്‍ക്കുകളുടെ വികസനം ,കല്യാൺ സുമംഗലപദ്ധതിയുടെ സഹായധനം 25000 രൂപയായി ഉയര്‍ത്തും . പാവപ്പെട്ട കുടുംബങ്ങളിലെ പെഎകുട്ടികളുടെ വിവാഹത്തിന് ഒരു ലക്ഷം രൂപ സഹായധനം ,പിഎം ഉജ്ജ്വല പദ്ധതി പ്രകാരം സൗജന്യ ഗ്യാസ് സിലിണ്ടറുകള്‍ ,മൂന്ന് വനിതാ ബറ്റാലിയന്‍ രൂപീകരിക്കും ,രണ്ട് കോടി ടാബുകളും സ്മാർട്ട് ഫോണുകളും വിതരണം ചെയ്യും ,ബുന്ദേല്‍ഖണ്ഡിലെ ജനറല്‍ ബിപിന്‍ റാവത്ത് ഡിഫന്‍സ് ഇന്‍ഡസ്ട്രിയല്‍ കോറിഡോര്‍ റെക്കോര്‍ഡ് വേഗത്തില്‍ പൂര്‍ത്തിയാക്കും, 3000 ഹയര്‍ സെക്കന്‍ഡറി സ്‌കൂളുകളില്‍ സ്മാര്‍ട്ട് ക്ലാസ് റൂം ,30000 കോടി ചെലവില്‍ ആറ് ധന്വന്തരി മെഗാ പാര്‍ക്കുകള്‍ ചെറുകിട വ്യവസായ മേഖലയില്‍ ആറ് ഇന്‍ഡസ്ട്രിയല്‍ പാര്‍ക്കുകള്‍ ,ലതാ മങ്കേഷ്‌കര്‍ പെര്‍ഫോമിങ് ആര്‍ട്‌സ് അക്കാദമി
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
