ന്യൂഡല്ഹി: കര്ഷക പ്രക്ഷോഭത്തിന് ഐക്യദാര്ഢ്യം പ്രഖ്യാപിച്ച് എത്തിയ ഷഹീന്ബാദ് സമര നായിക ബില്കിസ് ബാനുവിനെ പൊലീസ് കസ്റ്റഡിയിലെടുത്തു. സിഎഎ പ്രതിഷേധത്തിൽ ഷാഹിൻ ബാഗിന്റെ മുത്തശ്ശി എന്നറിയപ്പെടുന്ന 82 കാരിയായ ബിൽകിസ് ബാനുവിനെ കർഷകരുടെ സമരത്തെ പിന്തുണയ്ക്കാൻ വന്നപ്പോഴാണ് പോലീസ് അറസ്റ്റ് ചെയ്തത്. രാജ്യത്തുടനീളം സിഎഎയ്ക്കെതിരായ പ്രതിഷേധത്തിന്റെ കേന്ദ്രബിന്ദുവായ ഷാഹിൻ ബാഗിൽ, ദില്ലിയിലെ തണുപ്പിൽ ദശലക്ഷക്കണക്കിന് സമരക്കാരുടെ പ്രചോദനത്തിന്റെയും ചെറുത്തുനിൽപ്പിന്റെയും മുഖമായി ഇവരെ കണ്ടിരുന്നു.
ഹരിയാന-ഡല്ഹി അതിര്ത്തിയായ സിംഘുവിലെത്തിയ ബില്കിസിനെയും കൂട്ടരേയും പൊലീസ് തടയുകയായിരുന്നു. കര്ഷക സമരത്തിന് പിന്തുണ പ്രഖ്യാപിച്ച് സിംഘുവില് എത്തുമെന്ന് നേരത്തെ ബില്കിസ് വ്യക്തമാക്കിയിരുന്നു. ‘ഞങ്ങള് കര്ഷകരുടെ മക്കളാണ്. അവര്ക്ക് വേണ്ടി ഞങ്ങള് ശബ്ദമുയര്ത്തും. സര്ക്കാര് ഞങ്ങളെ കേള്ക്കണം’-അവര് പറഞ്ഞു.
അതേസമയം, കര്ഷക സമരത്തിന് ഐക്യദാര്ഢ്യം പ്രഖ്യാപിച്ച് ഭീം ആര്മി നേതാവ് ചന്ദ്രശേഖര് ആസാദും രംഗത്തെത്തി. ഉത്തര്പ്രദേശ്- ഡല്ഹി അതിര്ത്തിയായ ഗാസിപൂര്-ഗാസിയാബാദ് അതിര്ത്തിയിലാണ് ആസാദും സംഘവും എത്തിയത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
