കോഴിക്കോട്: കൊയിലാണ്ടിയില്‍ കാറുകള്‍ തമ്മില്‍ കൂട്ടിയിടിച്ച്‌ ഒരാള്‍ മരിച്ചു. അപകടത്തില്‍ അഞ്ചു പേര്‍ക്ക് പരുക്കേറ്റു. പയ്യോളി അങ്ങാടി മണിയൂര്‍ സ്വദേശിയായ റിട്ട. അധ്യാപകന്‍ കൃഷ്ണന്‍ (80) ആണ് മരിച്ചത്.
കൃഷ്ണന്റെ ഭാര്യ ശാരദ (72), പയ്യോളി ആനന്ദ് ഹൗസിലെ അനൂപ് (51), അനീഷ് (47), ദിവ്യ (40), അനന്‍ കൃഷ്ണന്‍ (12) എന്നിവര്‍ക്ക് പരുക്കേറ്റു. കൃഷ്ണനെ ഉടന്‍ തന്നെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല.
പരുക്കേറ്റ ശാരദ, മെഡിക്കല്‍ കോളജ് ആശുപത്രിയിലും മറ്റുള്ളവര്‍ കൊയിലാണ്ടി താലൂക്ക് ആശുപത്രിയിലും ചികിത്സയിലാണ്. മൂടാടിക്കടുത്ത് ദേശീയപാതയില്‍ വെള്ളറക്കാട് ഞായറാഴ്ച രാത്രിയാണ് അപകടം നടന്നത്. കൊയിലാണ്ടിയിൽ നിന്ന് പയ്യോളിയിലേക്കു പോകുകയായിരുന്ന ഇവർ സഞ്ചരിച്ച കാറിൽ എതിരെ വന്ന മറ്റൊരു കാറിടിച്ചായിരുന്നു അപകടം. കൊയിലാണ്ടി പൊലീസ് തുടർ നടപടി സ്വീകരിച്ചു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
