കോഴിക്കോട് : പെരുവണ്ണാമൂഴി ഫോറസ്റ്റ് റേഞ്ചിന്റെ പരിധിയില്‍ വരുന്ന ചക്കിട്ടപ്പാറ ഗ്രാമപഞ്ചായത്തിലെ മുതുകാട് നിന്നും വീട്ടിൽ സൂക്ഷിച്ച മാൻ ഇറച്ചി പിടികൂടി. മുതുകാട് സീതപ്പാറ പഴയ പറമ്പിൽ ജോമോൻ എന്ന ജോസാണ് പിടിയിലായത്. ഇയാളുടെ വീട്ടിൽ നിന്നും അഞ്ച് കിലോഗ്രാം വരുന്ന പാകംചെയ്ത മല മാനിറച്ചി കണ്ടെടുത്തു.
പെരുവണ്ണാമുഴി വനപാലകർക്ക് ലഭിച്ച രഹസ്യവിവരത്തെ അടിസ്ഥാനത്തിൽ നടത്തിയ പരിശോധനയിലാണ് ഇറച്ചി കണ്ടെടുത്തത്. പെരുവണ്ണാമൂഴി ഫോറസ്റ്റ് റേഞ്ച് ഓഫീസറുടെയും ഡെപ്യൂട്ടി റേഞ്ച് ഓഫീസറുടെയും നേതൃത്വത്തിൽ ഇന്നലെ വൈകിട്ടാണ് പരിശോധന നടത്തിയത്. ജോമോനേ അറസ്റ്റ് ചെയ്യുകയും മാംസം കസ്റ്റഡിയിലെടുക്കുകയും ചെയ്തു. ഇന്ന് കോടതിയിൽ ഹാജരാക്കിയ ജോമോനെ റിമാൻഡ് ചെയ്തു. സംഭവത്തിൽ കൂടുതൽ പ്രതികൾ ഉള്ളതായും അവർക്കായി അന്വേഷണം നടത്തുന്നതായും പെരുവണ്ണാമുഴി വനംവകുപ്പ് അധികൃതർ അറിയിച്ചു. റെയ്‌ഞ്ചര്‍ കെ.വി ബിജു, ഡെപ്യൂട്ടി റെയ്‌ഞ്ചര്‍ ഇ. ബൈജു നാഥ്‌ എന്നിവരുടെ നേതൃത്വത്തിലാണു റെയ്‌ഡ് നടന്നത്‌.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
