കാക്കൂർ: മോഷണക്കേസിൽ ജാമ്യം ലഭിച്ച് ഒളിവിലായിരുന്ന പ്രതിയെ 13 വർഷത്തിന് ശേഷം പോലീസ് പിടിയിലായി. ഇരുവള്ളൂര്‍ അമ്ബലപ്പാട് തെക്കയില്‍ ജോതീന്ദ്രനെയാണ് (57) തിങ്കളാഴ്ച വൈകീട്ട് ആറിന് കാക്കൂര്‍ പൊലീസിന്റെ പിടിയിലായത്.
2009 ൽ മലപ്പുറം വാഴക്കാട് പോലീസ് സ്റ്റേഷൻ പരിധിയിൽ റിപ്പോർട്ട് ചെയ്യപ്പെട്ട മോഷണ കേസിലെ പ്രതി ജോ തീന്ദ്രൻ ജാമ്യത്തിലിറങ്ങിയ ശേഷം ഒളിവിലാണ്.അനധികൃതമായി മണ്ണ് കടത്തിയതിന് വാഹനം കസ്റ്റഡിയിലെടുത്ത ചേളന്നൂര്‍ വില്ലേജ് ഓഫിസറെ കൈയേറ്റം ചെയ്തതിന് കാക്കൂര്‍ പൊലീസ് രജിസ്റ്റര്‍ ചെയ്ത കേസിലെ പ്രതി കൂടിയാണ്. അമ്ബലപ്പാട് അങ്ങാടിയില്‍ പൊലീസിനെ തള്ളിമാറ്റി ഓടിരക്ഷപ്പെടാന്‍ ശ്രമിച്ച പ്രതിയെ സാഹസികമായാണ് പിടികൂടിയത്. പ്രതിയെ വാഴക്കാട് പൊലീസിന് കൈമാറി.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
