സര്ക്കാര് സേവനങ്ങള് കൂടുതല്പ്പേരിലേക്ക് എത്തിക്കാന് ഡിജിലോക്കർ സേവനം വാട്ട്സ്ആപ്പ് വഴി ലഭ്യമാക്കാന് കേന്ദ്ര സര്ക്കാര്. ഡിജിറ്റൽ ഇന്ത്യ പദ്ധതിയുടെ കീഴിലുള്ള സംവിധാനമാണ് ഡിജിലോക്കർ. പൗരന്മാരുടെ വിവിധ രേഖകളുടെ ഡിജിറ്റല് പതിപ്പുകള് ഒരു ആപ്പില് ലഭിക്കുന്ന സംവിധാനം, പൗരന്മാരുടെ ‘ഡിജിറ്റൽ ശാക്തീകരണം’ ലക്ഷ്യമിട്ടാണ് അവതരിപ്പിച്ചത്. ഡിജിലോക്കർ സിസ്റ്റത്തിൽ നൽകിയിരിക്കുന്ന രേഖകൾ യഥാർത്ഥ ഫിസിക്കൽ ഡോക്യുമെന്റുകൾക്ക് തുല്യമായി കണക്കാക്കപ്പെടുന്നു.
“പൗരന്മാർക്ക് ഇപ്പോൾ വാട്ട്സ്ആപ്പിലെ മൈ ജിഒവി ഹെൽപ്പ്ഡെസ്കിൽ ഡിജിലോക്കർ സേവനങ്ങൾ ലഭിക്കും. കാര്യക്ഷമമായ ഭരണം പ്രോത്സാഹിപ്പിക്കാൻ സഹായിക്കുന്നതിന് വാട്ട്സ്ആപ്പിൽ മൈ ജിഒവി വാഗ്ദാനം ചെയ്യുന്ന ഒരു പ്രധാന പൗര സേവനമായിരിക്കും ഡിജിലോക്കര് പാൻ കാർഡ്, ഡ്രൈവിംഗ് ലൈസൻസ്, വാഹന രജിസ്ട്രേഷൻ സർട്ടിഫിക്കറ്റ് തുടങ്ങിയ രേഖകൾ വാട്ട്സ്ആപ്പ് വഴി ഡൗൺലോഡ് ചെയ്യാന് സാധിക്കും. ഡിജിലോക്കർ പോലുള്ള പുതിയ കൂട്ടിച്ചേര്ക്കുന്നതോടെ, വാട്ട്സ്ആപ്പിലെ മൈ ജിഒവി ചാറ്റ്ബോട്ട്, പൗരന്മാർക്ക് ഡിജിറ്റലായി ലഭിക്കുന്ന സര്ക്കാര് അവശ്യ സേവനങ്ങള് അതിവേഗം ലഭ്യമാക്കാനുള്ള സിസ്റ്റമായി വളരുകയാണ്. പത്താംക്ലാസ് മാർക്ഷീറ്റ്, പന്ത്രണ്ടാം ക്ലാസ് മാർക്ക്ഷീറ്റ്, ഇൻഷുറൻസ് പോളിസി ഡോക്യുമെന്റ്,(ലൈഫ്, നോൺ ലൈഫ് എന്നിവ) ഡിജിലോക്കറിൽ ലഭ്യമാകും. രാജ്യത്തുടനീളമുള്ള വാട്ട്സ്ആപ്പ് ഉപയോക്താക്കൾക്ക് +91 9013151515 എന്ന വാട്ട്സ്ആപ്പ് നമ്പറിലേക്ക് ‘നമസ്തേ’ അല്ലെങ്കിൽ ‘ഹായ്’ അല്ലെങ്കിൽ ‘ഡിജിലോക്കർ’ അയച്ച് ചാറ്റ്ബോട്ട് ഉപയോഗിക്കാം.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
