മാറിവരുന്ന ജീവിതശൈലിയും ഭക്ഷണശീലങ്ങളുമാണ് കൊളസ്ട്രോള് വര്ധിക്കാന് കാരണം. കൊഴുപ്പ് കൂടിയ ഭക്ഷണം, വ്യായാമമില്ലായ്മ, പുകവലി, അമിത മദ്യപാനം തുടങ്ങിയവയൊക്കെ കൊളസ്ട്രോള് കൂടാന് കാരണമാകും. ചീത്ത കൊളസ്ട്രോള് അധികമാകുമ്പോള് അത് ഹൃദയാരോഗ്യത്തെ ബാധിക്കാം.
ചീത്ത കൊളസ്ട്രോൾ കുറയ്ക്കാൻ ഭക്ഷണക്രമത്തില് പ്രത്യേകം ശ്രദ്ധിക്കണം. റെഡ് മീറ്റ്, കൊഴുപ്പും മധുരവും എണ്ണയും അടങ്ങിയ ഭക്ഷണങ്ങള് തുടങ്ങിയവ ഡയറ്റില് നിന്ന് ഒഴിവാക്കുന്നത് കൊളസ്ട്രോള് കുറയ്ക്കാന് സഹായിക്കും. തക്കാളി ജ്യൂസ് ആണ് ആദ്യമായി ഈ പട്ടികയില് ഉള്പ്പെടുന്നത്. തക്കാളിയില് അടങ്ങിയിരിക്കുന്ന ലൈകോപീനുകള് ശരീരത്തിലെ കൊളസ്ട്രോള് നില കുറയ്ക്കാന് സഹായിക്കും. കൂടാതെ തക്കാളിയില് ഫൈബറും അടങ്ങിയിട്ടുണ്ട്. അതിനാല് തക്കാളി ജ്യൂസ് രാവിലെ കുടിക്കുന്നത് കൊളസ്ട്രോള് കുറയ്ക്കാന് സഹായിക്കും.
സോയ മില്ക്ക് ഉയര്ന്ന കൊഴുപ്പുള്ള പാലുത്പന്നങ്ങള്ക്ക് പകരം സോയ മില്ക്ക് തിരഞ്ഞെടുക്കുന്നത് കൊളസ്ട്രോള് കുറയ്ക്കാന് സഹായിക്കും. ഗ്രീന് ടീ ആണ് അടുത്തതായി ഈ പട്ടികയില് ഉള്പ്പെടുന്നത്. ഗ്രീന് ടീയില് അടങ്ങിയിരിക്കുന്ന ആന്റി ഓക്സിഡന്റുകള് കൊളസ്ട്രോള് തോത് കുറയ്ക്കാന് സഹായിക്കും. അതിനാല് രാവിലെ തന്നെ ഗ്രീന്ടീ കുടിക്കുന്നത് നല്ലതാണ്. ഓട്മീല് ആണ് അടുത്തത് ഇവയില് അടങ്ങിയിരിക്കുന്ന ഫൈബറാണ് ഇതിന് സഹായിക്കുന്നത്. ഇവ ചീത്ത കൊളസ്ട്രോളിനെ കുറയ്ക്കാന് സഹായിച്ചേക്കാം.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.