കോഴിക്കോട്: കോഴിക്കോട് മാവൂർ റോഡിലെ ലോഡ്ജില്‍ ലഹരി വിരുന്ന് സംഘടിപ്പിച്ച സംഘത്തെ പോലീസ് അറസ്റ്റ് ചെയ്തു. മാവൂർ റോഡിലെ ഒരു ലോഡ്ജിൽ നിന്നാണ് ഒരു സ്ത്രീയെയും ഏഴ് യുവാക്കളെയും അറസ്റ്റ് ചെയ്തത്. അരക്കിലോ ഹാഷിഷും ആറ് ഗ്രാം എംഡിഎംഎയും ഇവരിൽ നിന്ന് പിടിച്ചെടുത്തു. കോഴിക്കോട് നഗരത്തിന്റെ വിവിധ ഭാഗങ്ങളിൽ നിന്ന് ഉള്ള എട്ട് പേരെ ആണ് അറസ്റ്റ് ചെയ്തത്. ഇവരെ കൂടാതെ നിരവധി യുവാക്കളും കഴിഞ്ഞ ദിവസങ്ങളിൽ ലോഡ്ജ് സന്ദർശിച്ചിരുന്നുവെന്ന് പോലീസ് പറഞ്ഞു. ഇവരെക്കുറിച്ച് അന്വേഷണം ആരംഭിച്ചതായി നടക്കാവ് എസ്ഐ കൈലാസ് നാഥ് പറഞ്ഞു.
ഏതാനും ദിവസങ്ങൾക്ക് മുമ്പാണ് ഒരു യുവതിയും 8 യുവാക്കളും ജന്മദിന പാർട്ടി എന്ന പേരിൽ മാവൂർ റോഡിലെ ഒരു സ്വകാര്യ ലോഡ്ജിൽ 3 മുറികൾ എടുത്തത്. സംശയം തോന്നിയ നടക്കാവ് പോലീസ് ലോഡ്ജിൽ നടത്തിയ പരിശോധനയിലാണ് ഹാഷിഷ് ഓയിലും എംഡിഎംഎയും പിടിച്ചെടുത്തത്. പിടിച്ചെടുത്ത മയക്കുമരുന്ന് വിപണിയിൽ രണ്ട് ലക്ഷം രൂപ വിലമതിക്കുന്നതായി അധികൃതർ പറഞ്ഞു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
