ദുബൈ: രാജ്യത്തെ ഒമ്ബത് പ്രധാന ലൊക്കേഷനുകളില്‍നിന്ന് എക്സ്പോ നഗരിയിലേക്ക് ആര്‍.ടി.എ സൗജന്യ ബസ് സര്‍വിസ് നടത്തും. നേരത്തെ ദുബൈയിലെ ഒമ്ബത് ലൊക്കേഷനുകളില്‍നിന്ന് സൗജന്യ യാത്ര പ്രഖ്യാപിച്ചിരുന്നു. അബൂദബിയില്‍ മൂന്ന്, ഷാര്‍ജയില്‍ രണ്ട്, അജ്മാന്‍, റാസല്‍ഖൈമ, ഫുജൈറ, അല്‍ ഐന്‍ എന്നിവിടങ്ങളില്‍ ഓരോ സ്ഥലങ്ങളില്‍നിന്നുമാണ് യാത്ര ഒരുക്കിയിട്ടുള്ളത്.
ആകെ 203 എക്സ്പോ റൈഡേര്‍സ് ബസുകളാണ് സന്ദര്‍ശകര്‍ക്കായി ഒരുക്കിയിട്ടുള്ളത്. ഹോട്ടലുകളില്‍ കഴിയുന്നവരെ നഗരിയിലേക്ക് എത്തിക്കാന്‍ പ്രത്യേകം രണ്ട് റൂട്ട് സര്‍വിസുകളുമുണ്ട്. രാവിലെ 6.30 മുതല്‍ എക്സ്പോ ഗേറ്റുകള്‍ അടച്ച്‌ ഒരുമണിക്കൂര്‍ വരെ സര്‍വിസുണ്ടാകും. എക്സ്പോ നഗരിയിലെ പാര്‍ക്കിങ് സ്ഥലത്തുനിന്ന് ഗേറ്റ് വരെ ഷട്ടില്‍ സര്‍വിസുകളുമുണ്ടാകും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
