ഭോപ്പാല്‍: മധ്യപ്രദേശില്‍ 60 വയസുള്ള സ്ത്രീയെ കൂട്ടബലാത്സംഗത്തിനിരയാക്കി. സംഭവത്തില്‍ അഞ്ച് പേരെ അറ്‌സറ്റ് ചെയ്തു. അറസ്ര്‌റിലായ പ്രതികളില്‍ രണ്ട് പേര്‍ക്ക് പ്രായപൂര്‍ത്തിയായിട്ടില്ല. സിംഗൗളിയിലാണ് സംഭവം നടന്നത്.
റെയില്‍വെ ക്രോസിംഗിന് സമീപത്ത് കൂടി വീട്ടിലേക്ക് പോകുന്ന വഴിക്കാണ് വയോധിക ആക്രമിക്കപ്പെട്ടത്. മദ്യപിച്ചെത്തിയ പ്രതികള്‍ സ്ത്രീയെ കുറ്റിക്കാട്ടിലേക്ക് വലിച്ചിഴച്ച് കൊണ്ടുപോയി ബലാത്സംഗം ചെയ്യുകയായിരുന്നു. പിന്നീട് പ്രതികള്‍ സംഭവ സ്ഥലത്തു നിന്ന് ഓടിരക്ഷപ്പെടുകയും ചെയ്തു.
വയോധിക പിന്നീട് പൊലീസ് സ്റ്റേഷനിലെത്തി പരാതി നല്‍കുകയായിരുന്നു. പൊലീസ് അഞ്ച് പേരെയും അറസ്റ്റ് ചെയ്‌തെന്ന് സിംഗൗളിയിലെ അഡീഷണല്‍ പൊലീസ് സൂപ്രണ്ട് അനില്‍ സോങ്കര്‍ പറഞ്ഞു. പ്രതികള്‍ പൊലീസ് കസ്റ്റഡിയിലാണെന്നും ചോദ്യം ചെയ്യുകയാണെന്നും അദ്ദേഹം പറഞ്ഞു. ഈ മാസം ആദ്യം മധ്യപ്രദേശിലെ ഇന്‍ഡോര്‍ ജില്ലയിലെ സര്‍ക്കാര്‍ ആശുപത്രിയില്‍ 50 വയസ്സുള്ള രോഗിയെ ബലാത്സംഗം ചെയ്ത സംഭവവും റിപ്പോര്‍ട്ട് ചെയ്തിരുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
