കോയമ്പത്തൂർ ∙ യുവതിയുടെ ചിത്രം മോർഫ് ചെയ്തു സമൂഹമാധ്യമത്തിൽ പ്രചരിപ്പിച്ച ബൈക്ക് റേസിങ് താരം അറസ്റ്റിൽ . കോയമ്പത്തൂർ സ്വദേശിയായ 23 വയസ്സുകാരിയുടെ പരാതിയിൽ ചാലക്കുടി പഴൂക്കര പോട്ടോക്കാരൻ വീട്ടിൽ ആൽഡ്രിൻ ബാബുവിനെ (24) ആണു കോയമ്പത്തൂർ സൈബർ സെൽ പൊലീസ് അറസ്റ്റ് ചെയ്തത്.
ദേശീയ മോട്ടർ സൈക്കിൾ റേസിങ് ചാംപ്യൻഷിപ്പിലെ സ്ഥിരം താരമാണ് ആൽഡ്രിൻ. ഇയാളുമായി രണ്ടു വർഷം മുൻപ് യുവതി സൗഹൃദം അവസാനിപ്പിച്ചിരുന്നു. വീണ്ടും ബന്ധം സ്ഥാപിക്കാൻ ആൽഡ്രിൻ ശ്രമിച്ചെങ്കിലും യുവതി ഒഴിഞ്ഞുമാറിയതിന്റെ വൈരാഗ്യത്തിലാണു ചിത്രം പ്രചരിപ്പിച്ചത്. യുവതിയുടെ പേരിൽ ഇൻസ്റ്റഗ്രാം അക്കൗണ്ട് നിർമിച്ചു മോർഫ് ചെയ്ത ചിത്രങ്ങളും വിഡിയോകളും അപ്ലോഡ് ചെയ്തെന്നാണു പരാതി. അപ്ലോഡ് ചെയ്യാനുപയോഗിച്ച ഐപി വിലാസവും ഉപകരണങ്ങളും കണ്ടെത്തിയതായി സൈബർ പൊലീസ് അറിയിച്ചു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
