ദോഹ : പ്രവാസി തൊഴിലാളികളുടെ താമസസ്ഥലത്ത് ചൂതുകളിയിൽ ഏർപ്പെട്ട പ്രവാസി യുവാവിനെ ക്രിമിനൽ ഇൻവെസ്റ്റിഗേഷൻ ഡിപ്പാർട്ട്മെന്റ് അറസ്റ്റ് ചെയ്തു. ഖത്തറിൽ നിയമപരമായ നിരോധിച്ച വിനോദങ്ങളിലൊന്നാണ് ചൂതുകളി. ഇയാൾ ചൂതുകളിക്കുന്ന വീഡിയോ നേരത്തേ സമൂഹമാധ്യമങ്ങളിൽ പ്രചരിച്ചിരുന്നു. വീഡിയോയിൽ അധികൃതർ അന്വേഷണം പ്രഖ്യാപിക്കുകയും, വീഡിയോയുടെ ആധികാരികത ബോധ്യപ്പെടുകയും ചെയ്തതിന് പിന്നാലെയാണ് ഇയാളെ അറസ്റ്റ് ചെയ്തത്. ഇയാൾ കുറ്റം സമ്മതിച്ചതായും, ഇയാൾക്കെതിരെയുള്ള നിയമനടപടികൾ ആരംഭിച്ചതായും ക്രിമിനൽ ഇൻവെസ്റ്റിഗേഷൻ ഡിപ്പാർട്ട്മെന്റ് അറിയിച്ചു. അതെ സമയം ഇത്തരത്തിലുള്ള കുറ്റകൃത്യങ്ങൾ ശ്രദ്ധയിൽ പെട്ടാൽ മെത്രാഷ് 2 അപ്ലിക്കേഷൻ ഉപയോഗിച്ച് ബന്ധപ്പെട്ട സുരക്ഷാ ഉദ്യോഗസ്ഥരെ അറിയിക്കാൻ പൊതുജനം തയ്യാറാവണമെന്ന് അധികൃതർ അഭ്യർത്ഥിച്ചു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
