‘സ്ട്രെസ്’ ഇന്ന് പലരും അനുഭവിക്കുന്ന പ്രശ്നങ്ങളിലൊന്നാണ്. പ്രത്യേകിച്ച് തിരക്കുപിടിച്ച ജീവിതത്തില് പലരെയും ബുദ്ധിമുട്ടിക്കുന്ന ഒന്നാണ് ‘സ്ട്രെസ്’ അഥവാ മാനസിക പിരിമുറുക്കം . പല കാരണങ്ങള് കൊണ്ടും മാനസിക സമ്മര്ദ്ദം ഉണ്ടാകാം. ജോലിയില് നിന്നുള്ള സമ്മര്ദ്ദം, സാമ്പത്തിക പ്രശ്നങ്ങള്, കുടുംബ പ്രശ്നങ്ങള്, അങ്ങനെ എന്തും നമ്മളെ മാനസിക പിരിമുറുക്കത്തിലേത്തിക്കാം. യോഗ പോലുള്ള കാര്യങ്ങളിലൂടെ ഇവയെ നിയന്ത്രിക്കാനാകും.
സമ്മര്ദ്ദങ്ങളെ കുറയ്ക്കാന് ചില ഭക്ഷണങ്ങള്ക്ക് കഴിവുണ്ടെന്നാണ് പഠനങ്ങള് പറയുന്നത്. ബ്ലൂബെറി ആന്റി ഓക്സിഡന്റുകള് ധാരാളം അടങ്ങിയതാണ് ‘സ്ട്രെസ്’ കുറയ്ക്കാന് സഹായിക്കും. ഒപ്പം ഇവ ദഹനം മെച്ചപ്പെടുത്തുകയും ഹൃദ്രോഗത്തില് നിന്നും പ്രമേഹത്തില് നിന്നും സംരക്ഷിക്കുകയും ചെയ്യും.
നേന്ത്രപ്പഴമാണ് രണ്ടാമതായി ഈ പട്ടികയില് ഉള്പ്പെടുന്നത്. സ്ട്രെസിനെ അകറ്റാനും മോശം മൂഡ് മറികടക്കാനും ഇത്രമാത്രം സഹായകമാകുന്ന മറ്റൊരു ഭക്ഷണമില്ലെന്നാണ് ന്യൂട്രീഷ്യനിസ്റ്റുകള് അവകാശപ്പെടുന്നത്. അതിനാല് നേന്ത്രപ്പഴം ദിവസവും ഡയറ്റില് ഉള്പ്പെടുത്തുന്നത് നല്ലതാണ്.
ഓറഞ്ച് ശരീരത്തിലെ സ്ട്രെസ് ഹോര്മോണുകളെ കുറയ്ക്കുകയും രോഗപ്രതിരോധശേഷി വര്ധിപ്പിക്കുകയും ചെയ്യുന്ന വിറ്റാമിന് സി ധാരാളമായി അടങ്ങിയിട്ടുണ്ട്. കൂടാതെ ഇവയിലെ ആന്റി ഓക്സിഡന്റുകള് ത്വക്കിന്റെ ആരോഗ്യം സംരക്ഷിക്കുകയും ഫ്രീ റാഡിക്കല്സിനെ ഇല്ലാതാക്കുകയും ചെയ്യുന്നു.
തണ്ണിമത്തന് ധാരാളം വിറ്റാമിനുകളും പൊട്ടാസ്യവും മഗ്നീഷ്യവും അടങ്ങിയ തണ്ണിമത്തൻ പല രോഗങ്ങള്ക്കുമുള്ള പ്രതിവിധിയാണ് തണ്ണിമത്തന്, ഉയര്ന്ന രക്തസമ്മര്ദ്ദം കുറയ്ക്കാന് സഹായിക്കുമെന്ന് പഠനങ്ങള് പോലും പറയുന്നുണ്ട്. ധാരാളം ഫൈബര് അടങ്ങിയ തണ്ണിമത്തന് കഴിക്കുന്നത് ദഹനം സുഖമമാക്കാനും സഹായിക്കും. 99% വെള്ളം അടങ്ങിയ തണ്ണിമത്തൻ ചര്മ്മത്തിനും ഏറെ നല്ലതാണ്. കൂടാതെ ഇവ സ്ട്രെസ് കുറയ്ക്കാനും നല്ലതാണ്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.