ബാലുശ്ശേരി: അനുമതി ഇല്ലാതെ ഉത്സവത്തിനു ആനയെ എഴുന്നള്ളിച്ചതിന് ക്ഷേത്ര ഭാരവാഹികള്‍ക്ക് എതിരെയും ആനയുടമക്ക് എതിരെയും കേസ്. ബാലുശ്ശേരി പൊന്നാരം തെരു ശ്രീ മഹാഗണപതി ക്ഷേത്ര ഭാരവാഹികള്‍ക്കെതിരെയും ആനയുടമക്ക് എതിരെയുമാണ് വനം വകുപ്പ് കേസ് എടുത്തത്. നാട്ടാന പരിപാലന ചട്ടവും, വന്യജീവി സംരക്ഷണ നിയമവും അനുസരിച്ചാണ് കേസ്.
ആനയെ എഴുന്നള്ളിക്കാൻ നല്‍കിയ അപേക്ഷ അധികൃതർ തള്ളിയിരുന്നു. തുടർന്ന് അധികൃതരെ വെല്ലുവിളിച്ച്‌ ഉത്സവത്തിന് ആനയെ എഴുന്നള്ളിക്കുകയായിരുന്നു.
അതേസമയം, കേസിനെ നിയമപരമായി നേരിടുമെന്ന് ക്ഷേത്ര കമ്മറ്റി പ്രതികരിച്ചു. ആചാരം ലംഘിക്കാൻ കഴിയാത്തതിനാലാണ് ഒരു ആനയെ ഉപയോഗിച്ച്‌ എഴുന്നള്ളത് നടത്തിയതെന്നും ക്ഷേത്ര ഭാരവാഹികള്‍ പറഞ്ഞു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
